Voal-online -Presidenti Barack Obama do të emërojë veteranin e mbrojtjes James Clapper si drejtor të tij të ri të inteligjencës kombëtare, tha të premten (dje) një zyrtar i administratës.
Clapper, nënsekretar i mbrojtjes për inteligjencën dhe gjeneral në pension, do të zëvendësojë Dennis Blair-in, i cili dha dorëheqjen nga detyra muajin e kaluar në tronditjen e parë të madhe të ekipit të sigurisë kombëtare të Obamës.
Njoftimi do të bëhet në Shtëpinë e Bardhë të shtunën (sot), tha zyrtari i administratës. Ky funksion kërkon konfirmimin e Senatit.
Ishte pritur që Obama të përpiqej ta plotësonte sa më shpejt kreun e DNI, që mbikqyr agjencitë e shumta të inteligjencës të vendit dhe është këshilltari kryesor i presidentit për çështjet e zbulimit në lidhje me sigurinë kombëtare.
Denis Bler, i cili la detyrën pas vetëm 16 muajsh në punë, u largua mes shqetësimeve në rritje për sigurinë e brendshme pas një përpjekjeje të dështuar me makinë bombë në Sheshin Tajms (Times Square) të Nju Jorkut më 1 maj dhe përpjekjejes së dështuar për të hedhur në erë një avion të linjës ajrore të SHBA në Ditën e Krishtlindjeve.
Posti u krijua nga Presidenti George W. Bush në vitin 2004 në kuadrin e një tronditjeje të burokracisë së shërbimit të fshehtë, për të plotësuar mangësitë në bashkëpunimin ndër-agjenci, ekspozuar nga sulmet e 11 shtatorit.
Clapper, një ish Gjeneral i Forcave Ajrore që doli në pension më 1995, pas një karriere 32-vjeçare, u soll në Pentagon nga Sekretari i Mbrojtjes i SHBA Robert Gejts gjatë administratës së presidentit Bush dhe qëndroi me Gejts edhe pasi Obama e mori detyrën në janar 2009.
Fill pasi u muar vesh së është i parapëlqyeri i Obamës për këtë punë, Clapper hasi rezistencë nga disa ligjvënës të rëndësishëm republikanë dhe demokratë. Ata ishin të shqetësuar se ai do të jetë shumë i afërt me Departamentin e Mbrojtjes dhe kërkuan një civil. Por analistët thanë se përvoja e tij e gjatë e bëri atë një zgjedhje shumë mirë të kualifikuar për pozitën e vështirë.
"Unë besoj se Jajmes Clapper është një zgjedhje e shkëlqyer të jetë drejtori i ardhshëm i Zbulimit Kombëtar," tha John Hamre, ish-zëvendës sekretar i mbrojtjes dhe tani kryetar i Qendrës për Studime Strategjike dhe Ndërkombëtare.
"Askush nuk e njeh komunitetin e zbulimit më mirë se Jim Clapper. Unë kam qenë dëshmitar mbrojtjeje i tij për reformën për më shumë se dymbëdhjetë vjet. Ai është njeriu i duhur në kohën e duhur," tha Hamre.
Senatori republikan Kit Bond, nënkryetar i Komisionit të Zbulimit të Senatit, shprehu skepticizmin, duke thënë se me zgjedhjen e Clapper, "presidenti ka siguruar se strategjia jonë në luftën kundër terrorizmit do të vazhdojë të jetë e drejtuar nga Departamenti i Drejtësisë dhe Shtëpisë së Bardhë".
"Ndërsa Jim i ka shërbyer kombit tonë mirë, atij i mungon pushteti i nevojshëm ndaj Presidentit, ka provuar të jetë më pak se i mirëpritur ndaj Kongresit, dhe kohët e fundit ka bllokuar përpjekjet tona për fuqizimin e DNI, cila është arsyeja pse në këtë kohë unë nuk jam i prirur për ta mbështetur atë, " tha Bond, në një deklaratë.
Clapper ndeshet me një detyrë të vështirë. Kritikët thonë se pjesë e problemit që Blair hasi gjatë qëndrimit të tij ishte se DNI-së i mungonte pushtet të mjaftueshëm për të imponuar autoritetin e kësaj zyre në pjesën tjetër të komunitetit të inteligjencës, veçanërisht të CIA-s, e cila prodhon pjesën më të madhe të shërbimit të fshehtë të klasifikuara të vendit.
Zyrtarët e mbrojtjes dhe të zbulimit kanë thënë se Blair kishte një marrëdhënie të vështirë me drejtorin e CIA-s Leon Panetta mbi kufijtë e autoritetit të DNI-së.
Kritikët thonë se ata shpresojnë se Obama do të përforcojë fuqinë e zyrës së DNI për të përmirësuar performancën.
(http://www.reuters.com)
Comments (0)
Dërgoja shokut
Printo
