Voal-online "Bild", gazeta tabloide me tirazhin më të madh në Gjermani, bën të ditur emrin e  shqiptarit 16 vjeçar që mbeti i vrarë para dy ditësh në shkollën "Albertville" në Shtutgard të Gjermanisë. Ai është Ibrahim Jeniaj, shqiptari nga Kosova, i vetmi djalë që mbeti viktimë në këtë tragjedi të krijuar nga Tim Kretschmer ish nxënës i kësaj shkolle.
Serkan Esen, një shok i Ibrahimit e përshkruan 16 vjeçarin si një "djalë të sjellshëm": "Vërtet u shokova kur mësova se ai kishte vdekur." Mediat thonë se djali nga Kosova ishte me paterica dhe nuk mund të lëvizte në momentin e tragjedisë. Ende nuk janë zbuluar motivet
që çuan 17 vjeçarin Tim Kretschmer të kryente masakrën. Thuhet se ai ishte objekt përçmimi nga shokët dhe shoqet në shkollë. Ai ishte shprehur se ishte i mërzitur me këtë botë, ku të tjeret qeshnin dhe talleshin me të. Kreçmer ishte shprehur ne nje bisede Online se askush nuk arrinte te dallonte potencialin e tij dhe për këtë ndihej i frikësuar. Objekt i drejtësisë mund të jetë babai, që nuk kishte arritur te mbante në vende të sigurta armët e tij.