Ish lideri sovjetik, Mikhail Gorbachev thotë se frikësohet që konfrontimet në mes të Rusisë dhe Perëndimit për Ukrainën, mund të eskalojnë në një konflikt të armatosur.
Agjencia e lajmeve ruse Interfax citoi Gorbachevin të ketë thënë se Shtetet e Bashkuara na "kanë tërhequr në një Luftë të Ftohtë të re".
"Fatkeqësisht, unë nuk mund të them me vetëbesim se Lufta e Ftohtë nuk do të çojë në një të nxehtë", tha Gorbachev.
Gorbachev kritikoi Shtetet e Bashkuara rreth sanksioneve që ia kanë vendosur Rusisë, duke thënë "ata, a e kanë humbur komplet arsyen?"
Sanksionet janë vendosur si përgjigje ndaj aneksimit të Krimesë nga Rusia në muajin mars, dhe mbështetjen që ky vend ua ka bërë separatistëve që i luftojnë forcat qeveritare ukrainase, në konfliktin i cili la të vrarë mbi 5,100 persona që nga muaji prill. rel
Comments (0)
Dërgoja shokut
Printo
