Ka votuar Presidenti Topi
E Djelë, 06.28.2009, 02:40pm (GMT+1)
Voal-online Mediat e Tiranës bënë të ditur se ka hedhur votën e tij edhe Presidenti i Republikës së Shqipërisë Zotëri Bamir Topi. Bashkë me Zonjën e Parë Teuta Topi dhe dy vajzat e tyre, Presidenti ka votuar në qendrën e votimit të ndodhet në shkollën "Servete Maçi" në Tiranë. Në deklaratën e dhënë menjëherë pas hedhjes së votës në kutinë e votimit, Presidenti Bamir Topi ka thënë se sot të gjithë duhet të tregojmë se jemi një vend që kemi arritur në një standard të rëndësishëm të demokracisë dhe rruga drejt Bashkimit Evropian duhet të jetë e hapur. Të gjithë politikanët kryesorë të Shqipërisë, por edhe miqtë perëndimorë, kanë theksuar edhe sot, më 28 qershor 2009, gjatë ditës së votimit për parlamentin e ri të Shqipërisë se këto zgjedhje dëshmojnë sa e ka merituar ky vend pranimin në NATO dhe janë një notë e rëndësishme për ta paraqitur në Bruksel për pranimin e vendit në Bashkimin Evropian. www.voal-online.ch
|
Comments (0)
Dërgoja shokut
Printo
