Presidenti Topi: Ambasadori tashmë i emëruar i Shqipërisë do të jetë shumë shpejt në krye të detyrës në Prishtinë

 

Pavarësia e Kosovës është një realitet i pakthyeshëm, ka thënë Presidenti Bamir Topi.

 

5 janar (Voal-online) - Ambasadori tashmë i emëruar i Shqiperisë do të jetë shumë shpejt në krye të Ambasadës Shqiptare në Kosovë. Kështu iu është përgjigjur sot interesimit të mediave dhe shqetësimeve të ngritura së fundi edhe nga opozita, Presidenti i Republikës së Shqipërisë Bamir Topi.  "Dy janë ngjarjet kulmore të vitit që shkoi, 17 shkurti dhe 4 prilli" ka theksuar Z. Bamir Topi në një intervistë për mediat kosovare. 2008-ta, tha ai, ka qenë një vit me ngjarje historike, siç ishin pavarësia e Kosovës dhe ftesa që iu bë Shqipërisë për anëtarësim në NATO.  Topi ka siguruar Kosovën se Shqipëria do të bëjë të pamundurën për të bërë lobing për njohjen e pavarësisë nga vendet që nuk e kanë bërë endë një gjë të tillë. Pavarësia e Kosovës është një realitet i pakthyeshëm, ka theksuar Presidenti.
I pyetur në lidhje me misionin e EULEX-it në Kosovë, Bamir Topi është shprehur se ky mision ka një mandat të përkohshëm dhe zërat për ndarjen e Kosovës do të mbeten vetëm zëra. Interesimit për marëdhëniet e tij më kryeministrin Berisha, Topi është përgjigjur duke thënë se raportet e mëparshmë personale janë shndërruar në institucionale. "Si përfaqsues të dy institucioneve veprojmë në respekt të ligjit e në mbrojtje të Kushtetutës"- ka thënë Presidenti Bamir Topi. Lidhur me zgjedhjet e pranverës së këtij viti Bamir Topi ka sqaruar zgjedhjet janë provë për demokracinë dhe për integrimin e Shqipërisë. Për këtë Z President  ka deklaruar: "E rëndësishme është që zgjedhjet të mbahen sipas standardeve, të respektohet plotësisht vullneti i qytetarëve votues dhe të mos kontestohen."

 

Rating (Votes: )

Comments (0)

Dërgoja shokut

Printo

---