KFOR mund të reduktohet
E Hënë, 06.08.2009, 06:03pm (GMT+1)
NATO-ja planifikon ta zvogëlojë forcën e tij paqeruajtëse në Kosovë, tha sot një zyrtar i Shteteve të Bashkuara.
"KFOR-i po shikon të kaloj në fazën e ardhshme të operacionit", por që të "mbahet stabiliteti", tha ky zyrtar në një takim me gazetarët në selinë e NATO-s në Bruksel dhe shtoi se "ka mundësi se ministrat do ta mbështesin këtë prani, që nënkupton reduktim të KFOR-it, nga afro 15 mijë trupa sot, në 10 mijë në janar të vitit 2010".
Ministrat e mbrojtjes së vendeve anëtare të NATO-s këtë propozim do ta shqyrtojnë në takimin e tyre këtë të enjte.
"Kjo lëvizje është hap i ardhshëm legal në zhvillimin e përgjegjësive te forcat lokale, por ne dëshirojmë që ta bëjmë këtë në atë mënyrë që e mban stabilitetin", tha zyrtari i Shteteve të Bashkuara, raportojnë agjencitë e lajmeve. REL www.voal-online.ch
|
Comments (0)
Dërgoja shokut
Printo
