VOAL - Online Zëri i Shqiptarëve - Ivanov: Pas vendosjes së gurëve kufitarë Shkupi dërgon ambasadorin në Prishtinë

Këln, 17 shtator - Duke folur për vonesën e vendosjes së marrëdhënieve diplomatike me Kosovën, Presidenti maqedonas Gjorgje Ivanov ka deklaruar se "problemi i vetëm për vendosjen e marrëdhënieve diplomatike varet nga pala kosovare". Sipas tij, "çdo gjë që ka të bëjë me kufirin nga ana e Maqedonisë është e kryer". "Mbetet që tani komisioni kosovar të gjejë zgjidhje për vendosjen e gurëve kufitare në gjatësinë prej 1200 metrash, që të dërgojmë ambasadorin tonë në Prishtinë", tha kreu i shtetit maqedonas për "Dojçe velen". Ivanovit thotë se Maqedonia duke njohur pavarësinë e Kosovës prishi marrëdhëniet me Serbinë. "Me marrjen e postit prej meje shfrytëzuam rastin për të rivendosur marrëdhëniet me Serbinë dhe ia arritëm qëllimit". Ndërkaq në lidhje me keqkuptimet dhe mosmarrëveshjete mëhershme me Kosovën, Ivanov tha se ato janë tejkaluar me vizitën e Presidentit të Kosovës në Maqedoni, me të u cilin është takuar dy herë, një herë në Vlorë dhe njëherë në Ohër. Presidenti maqedonas bisedat në këto takime i ka vlerësuar të "hapura dhe të sinqerta për të gjitha temat". (http://www.kosova.com)