Në foto: Nysrete Kumnova
Voal-online -Bëhet e ditur se të gjashtë nënat greviste të personave të pagjetur, siç kishin paralajmëruar, nga sot janë futur në grevë urie, duke ndërprerë komunikimin me çdokënd, përfshirë këtu edhe mediat. Udhëheqësja e kësaj greve Nysrete Kumnova me 10 shtator pat deklaruar se nga 14 shtatori të vetmin komunikim do të kenë me ata persona të cilët do të bartin trupat e tyre.
Nënat janë futur në grevë të mllefosura nga fakti që tash 10 vite në Institutin e Mjekësisë Ligjore gjenden mbetje mortore dhe identifikimi i tyre nuk ka ndodhur.
Por, Haki Kasumi nga Këshilli koordinues i Asociacioneve familjare të të zhdukurve të Kosovës, thotë se ky këshill ndonëse ndan dhembjen me këto nëna, nuk konsideron se greva është zgjidhje.
Ndërkohë, nga Këshilli për të Drejtat e Njeriut konsiderojnë që greva është plotësisht e arsyeshme por, sipas udhëheqësit të këtij këshilli Behxhet Shala, çështja është shumë ë ndërlikuar dhe institucionet e Kosovës, vështirë që mund të ofrojnë zgjidhje. (http://www.rtklive.com)
Comments (0)
Dërgoja shokut
Printo
