Voal-online -Mediat në shqip bëjnë të ditur se nënat e personave të zhdukur gjatë luftës në Kosovë kanë paralajmëruar se sot mund të hidhen në grevë urie nëse nuk merren veprime për identifikimin e 405 trupave që ndodhen në morgun e Prishtinës.
Krerët e vendit dhe ata ndërkombëtarë iu kishin premtuar se do të ndërmerrnin veprime konkrete për të përshpejtuar procesin identifikimit të mbetjeve mortore, proces gjithnjë e më i ngadalësuar.
Paralajmërimi pason grevën 14 ditëshe të nënave gjakovare, të cilat thonë se greva mund të ndërpritet vetëm pas identifikimit të një pjese të mbetjeve mortore, për çka duhet të garantojë Qeveria e Kosovës, EULEX-i dhe Komiteti Ndërkombëtar për Persona të Zhdukur.