Një kanton i formuar nga Nojshateli-Jura-Jura berneze?
E Enjte, 01.28.2010, 04:41pm (GMT+1)
Voal-online -Gati 60% e popullsisë së harkut jurasian do të ishte në favor të krijimit të një kantoni të vetëm që do të ribashkonte atë të Neuchâtel-it dhe të Jura-s si dhe rajonin jurasian të Bernës. Kështu del nga një sondazh i publikuar sot në radion romande RSR e nga katër të përditshme rajonale.
Më entusiastët e kësaj ideje janë banorët e kantonit Jura (70%), pasuar nga ata të Jura-s berneze (55%) e nga zonat me dalje në liqene; ata më indiferentët jetojnë në malet dhe në luginat nojshtaeliane.
58% e të pyeturve përgjigjet absolutisht në favor (18%) ose mjaft në favor (40%) për krijimin e një kantoni të vetëm të madh jurasian. Kundër janë 35% e të pyeturve dhe absolutisht kundër janë (18%) ose pakashumë kundër (17%). 7% ka thënë se nuk ka opinion për këtë çështje.
Neuchâtel-i është qyteti i parapëlqyer si kryeqendër nga pothuaj të gjithë banorët e rajonit; bëjnë përjashtim ata të Jura-s berneze të cilët parapëlqejnë kryeqendrën e tyre: Bienne. Sondazhi është realizuar gjatë periudhës prej 4 deri më 14 janar, mbi një kampion prej një mijë vetave të moshës midis 18 dhe 74 vjeç.
(http://www.rsi.ch)
www.voal-online.ch
|