Micheline Calmy-Rey takon personalitete të ndryshme, ndër të tjerë Amre Moussa (Lidhja Arabe)
Voal-online Mosmarrëveshja me Libinë dhe votimi anti-minare janë tema të trajtuara gjatë bisedimeve të mbajtura sot në Davos, në kuadrin e Forumit Ekonomik Botërore, midis ministres së Jashtme Micheline Calmy-Rey dhe Sekretarit të Lidhjes Arabe Amre Moussa.
Sa i përket dossierit libian, televizioni i Zvicrës gjermane SF ka bërë të ditur se Moussa mund të përkushtohet personalisht për të zgjidhur krizën diplomatike midis dy vendeve dhe për ta mundësuar riatdhesimin e dy pengjeve helvetike.
Për minaret, Calmy-Rey ka shpjeguar arsyet që kanë çuar në ndalimin e dekretuar nga kutitë e votimeve dhe Moussa ka premtuar se do të bëjë shpjegimet e tija në botën arabe. Në vijim të votimeve Sekretari i Përgjithshëm kishte kërkuar një votim të ri, një ankim në Gjykatën Federale dhe një tjetër në Gjykatën Evropiane për të Drejtat e Njeriut.
Në Davos Calmy-Rey ka takuar madje edhe ministrin e Jashtëm iranian Manouchehr Mottaki, me të cilin ka diskutuar veprimtarinë e përfaqësisë helvetike në emër të Shteteve të Bashkuara të Amerikës.
Nuk është zhvilluar një takim i parashikuar me homologun gjerman Guido Westerwelle, që nuk ka mundur të vijë në Davos për arsye meteorologjike, sipas Departamentit të Punëve të Jashtme të Zvicrës.
Kjo ia lejon zonjës Calmy-Rey të ketë kohën e duhur për t'u takuar me homologët austriakë dhe belg.
(http://www.rsi.ch)