Sandra Bullock hyri në stinorin e Hollywood Awards në mënyrë triumfuese mbrëmë vonë duke fituar dy mirënjohje të People's Choice për komedinë e marrëdhënieve çiftnore "The Proposal" dhe si aktorja më e parapëlqyer nga publiku.
Seriali filmik "Twilight" mori katër trofé të People's Choice.
Tjetër fitues i rëndësishëm ishte Johnny Depp, që u shpall aktori më i parapëlqyer i filmave, dhe Hugh Jackman, që mori trofenë për rolin e heroit të filmave me aksion në "X-Men Origins: Wolverine."
Mirënjohjet televizive shkuan për "House", filmi më i mirë dramë dhe "The Big Bang Theory" për filmin më të mirë komedi. Trofetë muzikore shkuan te Carrie Underwood si këngëtare kantri dhe Taylor Swift si artistja më e mirë e këngës, ndërsa Keith Urban e mori për meshkujt, ndërsa Mariah Carey ai artiste R&B.
Por Bullock trumfoi me dy filma në People's Choice, dy hitet më të mëdhenj të vitit 2009, "The Proposal" dhe "The Blind Side".
Me këto aktorja ka dy kandidtura për Golden Globe dhe Screen Actors Guild, dhe është mes favoriteve për Oskar në "Blind Side."
Në skenë ajo shpërtheu në hare kur mori çmimin e dytë People's Choice, çmime të votuara nga adhuruesit në votime online. Ajo falënderoi familjen, babain, burrin dhe fansat.
Ajo iu tha repoerterëve se sukseset e kohëve të fundit me kritikë, çmimet dhe arkëtimet e shumta ishin "të paplanifikuara, të papritura dhe të fantazuara".
"Kam pasur dy përvoja të mrekullueshme vitin që lamë pas, dhe mendoj se çdo artiste do të kishte qenë e lumtur, sepse një fat i tillë të takon vetëm një herë në pesë vjet," tha ajo.
The People's Choice awards janë shikuar më pak serioze nga vëzhguesit i Hollywood-it se Oskarët apo Screen Actors Guild awards, të cilat votohen nga grupet e industrisë kinematografike, por kjo veprimtari është e parë në stinorin e çmimeve kryesore në film, televizion, muzikë.
Aktorët, muzikanët, artistët e shikojnë People's Choice si një vlerësim të drejtpërdrejtë nga publiku.
Nja 35 çmime u dhanë, në mes tyre edhe për filmin Disney, "Up", vlerësuar nga familjet./Elida BUÇPAPAJ
(http://www.reuters.com)
Comments (0)
Dërgoja shokut
Printo
