Familja Hendrix dhe studioja Sony do të nxjerrin albumin e ri të heroit të kitarës
Voal-online Adhuruesit e Jimi Hendrix do të kenë mundësinë të dëgjojnë rreth një orë muzikë nga heroi i tyre i kitarës, e cila asnjëherë nuk është vënë në treg, përpara se familja e tij dhe Sony Commercial Music Group të nxjerrë albumin e "ri" më 8 mars.
Albumi "Valleys of Neptune" përmban regjistrime studioje të cilat datojnë nga viti 1969, vitin para se Hendrix do të vdiste në Londër 27 vjeç.
"Im vëllla Jimi e kishte studion si shtëpinë," tha Janie Hendrix, shefe e Experience Hendrix LLC, kompanisë së ngritur nga familje për të ruajtur një trashëgimi të vlerësuar në dhjetëra milionë dollarë.
"'Valleys of Neptune' na çon thellë në mjeshtërinë e procesit të tij të regjistrimeve dhe demonstron faktin se ai ishte I pakrahasueshëm si novator regjistrimesh sa edhe si kitarist. Gjenia e tij shkëlqen në të gjitha këto regjistrime të hatashme."
Albumi Valleys of Neptune do të përmbajë disa këngë tejet familjare për adhuruesit tejet të çmendur të tij, por do të ketë deh 60 minuta muzikë të panjohur më parë.
Ndër të tjera do të jenë pjesa klasike e Elmore James, "Bleeding Heart", dhe eCream, "Sunshine of Your Love", si dhe kompozime origjinale të Hendrix si "Ships Passing Through The Night" and "Lullaby For The Summer."
Regjistrimi është pjesë e një vargu vëniesh në qarkullim të muzikës së hershme të Hendrix, me botime të reja të "Are You Experienced?," "Axis: Bold As Love," "Electric Ladyland" dhe "First Rays of the New Rising Sun" të cilat dalin të gjitha të njëjtën ditë.
Janie Hendrix pati thënë për gazetën LA Times se ai kishte materiale të cilat do të duheshin dekada të tëra për t'i vënë në qarkullim, me pjesë të reja, regjistrime muzikore dhe video. (http://www.reuters.com)