VOAL - Online Zëri i Shqiptarëve - Përkujtohet 90 vjetori i regjisorit Federico Fellini

Del filmi "Nine", kremtohet edhe 50 vjetori i filmit Dolce Vita

Voal-online -Më 20 janar regjisori Federico Fellini (Federiko Felini) do t'i mbushte 90 vjet. Dhe dalja në sallat italiane e filmi "˜Nine' është një nderim në këtë përvjetor.

Në qendër të filmit është regjisori me famë botërore Guido Contini që lufton për të gjetur harmoni midis jetës profesionale dhe jetës personale, ndërkohë që ka marrëdhënie dramatike me gruan e tij, me të dashurën e tij, me muzën e tij, me agjenten e tij dhe me nënën e tij.

Guido Contini mishëron artistikisht personazhin e Federico Fellinit. Në filmin "˜Nine' luajnë, ndër të tjera Sofia Loren, Nicole Kidman, Penelope Cruz e tjerë.

Në sallat e kinemave prej datës 22 janar, muzikali 'Nine' i Rob Marshallit, përfshihet në kuadrin e ngjarjeve të cilat gjatë vitit 2010 do ta kenë Fellini-n protagonist: më 5 shkurt bëhen 50 vjet nga dalja e Dolce Vita (Jeta e ëmbël) në kinema për herë të parë; më 16 mars kremton 90 vjetorin e tij të lindjes Tonino Guerra, miku i një jete të tërë i Federico Fellinit, skenarit i kryeveprave të fazës së pjekurisë së Fellini-t si "˜Amarcord' (Kujtim i hidhur); "˜E la nave va' (E anija ikën) dhe "˜Ginger e Fred' (Xhinxheri dhe Fredi).

Federico Fellini fitoi çmime Oskar për filmat "La strada" (Rruga, 1954); "Le noti di Cabiria (Netët e Kabirias, 1957); "Otto e mezzo" (Tetë e gjysmë, 1963); "Amarcord" (1973).

Më 1992 Federico Fellini mori çmimin Oskar të karrierës. Një vit më vonë vdiq në Romë, pas një karriere tejet të suksesshme dhe tejet të pasur.

(http://www.ansa.it) (http://www.imdb.com)