Voal-online - Anita Ekberg është shtruar dhe ndodhet nën
mbikqyrje në repartin e neokirurgjisë në spitalin e Shën Gjonit (San Giovanni),
në Romë. Kështu bën të ditur agjencia italiane e lajmeve ANSA. Aktorja suedeze,
e famshme për interpretimin e pavdekshëm në filmin "Jeta e ëmbël" (La Dolce
vita) të regjisorit Federico Fellini, ka pësuar një gjendje të fikëti në
shtëpinë e saj në Genzano, në qendër në afërsi të kryeqytetit italian Roma.
Prej andej Anita Ekberg është dërguar pa ndjenja në spital nga disa miq të saj.
Gjendja shëndetësore e Anita Ekbergut, e lidhur shpirtërisht në mënyrë intime
me Italinë, është përshkruar për mediat nga ana e mjekëve si tejet shqetësuese.
Tani artistja suedeze ndodhet nën mbikqyrje mjekësore. Mediat e tjera italiane
dhe ato perëndimore janë treguar të vemendshme ndaj lajmit për përkeqësimin e
menjëhershëm të gjendjes shëndetësore të artistes, e cila, krahas të tjerash,
mbetet në kujtesën e brezave të rinj të shikuesve pikërisht për skenën e
lartpërmendur. Kjo pamje e paharrueshme i shoqëron disa nga reklamat më artistikisht të realizuara në televizionet italiane dhe në televizionet e tjera perëndimore. Lajmi është përhapur menjëherë dhe kanë filluar interpretimet e
para rreth gjendjes shëndetësore të artistes.
Comments (0)
Dërgoja shokut
Printo
