Voal-online - Jeruzalem - Ish-ushtarja nën proces me arrest shtëpiak prej dhjetorit të vitit të shkuar. 23 vjeçarja Anat Kamm e rrezikuar të dënohet me burg të përjetshëm pasi ka furnizuar me të dhëna sekrete gazetën Haaretz
Një ish ushtare e ushtrizë izraelite është nën proces e akuzuar për spiunazh. Vajza 23 vjeçare me emrin Anat Kamm, akuzohet që t'i ketë dhënë kopje të dokumentave top sekretë të përditëshmes izraeliane Haaretz. Anat Kamm është me arresht shtëpiak prej dhjetorit dhe rrezikon të dënohet me burgim të përjetshëm, por lajmi i arrestimit të saj është bërë publik vetëm sot sipas vendimit të autoriteteve. Gjykata vazhdon të insistojë se vajza është burim për furnizimin me informata të një artikulli që është botuar nga Haaretz, ku ushtria izraeliane akuzohet për vrasjen e militantëve palestinezë në kundërshtim me një vendim të Gjakatës supreme.
Vajza e re sipas akuzës, rezulton të ketë përfituar gjatë periudhës të shërbimit të detyrueshëm midis viteve 2005-2007, kur kishte funksionin e sekretares të gjeneralit Yaïr Naveh, atëhere në drejtim të Komandës qendrore në Bregun Perëndimor, duke vjedhur rreth 2000 dokumenta të klasifikuar si "top sekret".
Anat Kamm, që pas shërbimit ushtarake ka punuar edhe në websitin gazetaresk Walla, duhet t'ja ketë dhënë pjesën më të madhe të dokumantave gazetarit të Haaretz Uri Blau, i cili nga ana e tij i ka përdorur duke shkruar një seri shkrimesh rreth metodave të ushtrisë izraelite në Rripin e Gazës.
Në njërin prej këtyre artikujve, në veçanti, shkruan se si ushtarët kishin marrë urdhëra për vrasjen e aktivistëve palestinezë të Xhihadit islamist, në kundërshtim me një vendim të Gjykatës supreme.
Artikujt e gazetarit Uri Blau e kanë kaluar censurën izraelite dhe kanë parë dritën e botimit deri kur gazetari ka filluar që të merret me operacionet e ushtrisë izraelite që kanë filluar nga fundi i dhjetorit në Rripin e Gazës.
Anat Kamm, nga ana e saj, ka treguar se ka vepruar në këtë mënyrë për motive ideologjike. I intervistuar nga radioja ushtarake avokati i saj, Avigdor Feldman ka nënvizuar se klienteja e tij «kishte liri të plotë të hynte në kompjuterin personal të gjeneralit të ushtrisë Naveh» ku vajza ka zbuluar ekzistencën e këtyre metodave në kundërshtim me Gjykatën supreme, të cilat e kanë «shqetësuar ndërgjegjen e saj». Feldman ka nënvizuar ndërkohë se «organi i akuzës nuk e ka formuluar deri më tani akuzën ».
Pozita e gazetarit Uri Blau, tashmë prej disa muajsh jashtë, është e vështirë: gazetari akuzohet që t'i ketë fshehur autoriteteve qindra dokumenta të vjedhura. Radios ushtarake editori i Haaretz Amos Schocken i ka shpjeguar se do të preferonte që gazetari të mos
arrestohej.
Blau, nga ana e tij ka shtuar se është duke «negociuar kushtet e rikthimit të tij në Izrael me Shin Beth», shërbimin sekret izraelit. Shin Bet është "Shërbimi i sigurisë të përgjithëshme", dhe është njëri prej tri organizatave të spiunazhit izraelit, bashkë me Aman (shërbimi inteligjent i ushtrisë) dhe i famshmi Mossad.
Ish-këshilltari juridik i qeverisë, Menahem Mazouz, ka tentuar më kot që të arrihet një marrëveshje që gazetari t'i dorëzojë dokumentat top sekret që ka në zotërimin e tij. Në shtypin izraelit gati nuk flitet për këtë ngjarje, që ndërkohë ka gjetur hapësira të gjëra në shtypin e huaj.
(http://www.spiegel.de) (http://www.corriere.it)