Ashpërsohet toni i polemikave. Mediat kineze akuzojnë: Google vepron për llogari të Uashingtonit

 

 

Voal-online Shtypi qeveritar kinez e ka ngritur zërin e polemikabe kundër Google, shoqërisë informatike amerikane që është në zgrip të shpalljes së mbylljes së sajtit të saj në gjuhën kineze për protestë kundër censurës.

 

Sipas një gazete kineze, shpallja mund të ndodhë edhe sot. Agjencia Kina e Re shkruan në një koment se Google është "politizuar" duke kërkuar të fusë në Kinë "vlerat e saj" mbi lirinë dhe shprehjen, duke pohuar se ajo është tejet e kufizuar nga qeveria e Pekinit.

 

Gazetat e tjera i bëjnë jehonë agjencisë zyrtare, duke e quajtur akuzat e Google "të pathemelta" dhe duke lënë të kuptohet se ndërmarrja veprin për llogari të Uashingtonit. Kina e re shton se politika kineze e "dyerve të hapura" ndaj investitorëve të huaj "mbetet e pandryshuar".

 

Më 12 janar, Google ka denoncuar se përmbajtjet e postës elektronike të disa prej klientëve të saj kishin pësuar sulme të cilat vinin nga Kina. Në vijim, eksponentë të ndërmarrjes amerikane dhe të qeverisë së Pekini janë takuar për të kërkuar një zgjidhje që ia lejon Google të mbetet në Kinë pa iu dashur t'i përgjigjet censurës, por tratativat duket se kanë dështuar. (http://www.ansa.it)

Rating (Votes: )

Comments (0)

Dërgoja shokut

Printo

---