Voal-online -Sarah Palin, e konsideruar gjerësisht si e kandidate e mundshme për presidente në zgjedhjet e ardhshme, do të jetë në qendër të një seriali televiziv amerikan, i cili do të realizohet nga një producent i famshëm televiziv britanik, bëri të ditur Discovery Communications Inc.
Reality show, quajtur "Sarah Palin's Alaska" (Sarah Palin e Alaskës) do t'i kushtohet ish guverantores së Alaskës dhe shtetit të saj, Alaskës. Premiera e tij do të jetë në The Learning Channel. Producenti ekzekutiv do të jetë Mark Burnett, i cili ka proshuar reality shows amerikane "Survivor" dhe "The Apprentice".
"Unë mezi pres të punoj me Markun për të sjellë mrekullinë dhe madhështinë e Alaskës tek të gjithë amerikanët," tha Palin, kandidatja e pasuksesshme për nënpresidente e Partisë Republikane në vitin 2008, në një deklaratä të saj të lëshuar nga Discovery Communications Inc, kompani që ka të drejtën mbi serialin.
Seriali televiziv është verpimtaria më e re mediatike për Palin, 46 vjeçe, e cila ishte guverantore e Alaskës nga viti 2006 derisa dha dorëheqjen më 2009.
Në fillim të marsit botuesi HarperCollins tha se Palin po punon në një libër të ri për virtutet dhe forcën amerikane. Libri i saj i parë "Going Rogue," shiti 2,2 milionë kopje. Ajo gjithashtu u punësua nga Fox News si komentatore.
Në fillim të këtij viti Palin tha për Fox News se ajo është e hapur për një garim të mundshëm për në Shtëpinë e Bardhë më 2012, por ende nuk e ka vendosur.
(http://www.reuters.com)