Voal-online Dennis Hopper, i dobët por duke buzëqeshur, u nderua me një yll në Shetitoren e Famës të Hollivudit, duke i zhgënjyer zërat që thoshin se aktori i "Easy Rider" është në shtratin e vdekjes.
Hopper, 73 vjeç, ka një kancer prostati të avancuar dhe thuhet se ka rënë në 45 kilogramë peshë trupore, duke qenë kështu i dobët për të përballuar vazhdimin e mëtejshëm të kimioterapisë.
Hopper kishte një fashë në dorën e djathtë gjatë ceremonisë. Ai tha se i mban për shkak të plagosjeve kur pi përpiqej t'iu shmangej paparacëve të cilët i kishin dalë befas në rrugë dhe e kishin thirrur emrin e tij.
"M'u duk si zë i njohur, prandaj desha të kthehem nga vinte zëri, por mora në thua dhe pësova një rrëzim të tmerrshëm, sepse nuk kam më muskuj," iu tha ai reporterëve. "Kështu rashë me fytyrë dhe pësova dëmtime edhe në dorën që mbaja shishe," shpjegoi ai.
Hopper, i cili e filloi karrierën më 1955 si rebel adoleshent i filmit "Rebel Without a Cause" (Krynegritës pa shkak) me James Dean, është ndërkohë i përfshirë në një betejë divorci me gruan e tij të pestë.
Sëndeti i tij është tejet i dobësuar sa ai nuk mund ta vazhdojë më kimioterapinë. Por
Hopper mori miratimin e mjekëve për të marrë pjesë në shpalosjen e yllit të tij në Hollywood Walk of Fame në nderim të punës së tij në më shumë se 150 filma.
Hollywood Walk of Fame ka rreth 2400 yje dhe shtrihet në 2 kilometra në qendër të Hollywood Boulevard dhe Vine Street.
Hopper shoqërohej nga Viggo Mortensen me të cilin luajti në filmat e viteve 1990, "The Indian Runner" dhe "Boiling Point".
Hopper është më së shumti i njohur për regjinë, skenarin dhe rolin kryesor në filmin e vitit 1969, "Easy Rider", me Peter Fonda-n.
Aktori u diagnozua me sëmundjen e prostatit në shtator 2009 dhe në janar e filloi procedurën e divorcit me gruan e 14 viteve, Victoria Duffy.
Prej atëherë ata janë në një luftë të tmerrëshme për përkujdesjen ndaj vajzës 7 vjeçare Galen. Muajin e shkuar Hopper fitoi një urdhër të gjykatës që Duffy të mos qëndrojë më në shtëpinë e tij në qytetin plazh Venice në Kaliforninë Jugore./Elida BUÇPAPAJ (http://www.reuters.com)