BACË, NA TREGO RRUGËN QË DO TË BËJMË NESËR! Ibrahim Rugovës Poezi nga NAMIK SELMANI
E Mërkurë, 12.18.2013, 05:06pm (GMT+1)
Tokë e përflakur e Kosovës Të lindi të bëhesh për të luftëtar qëndrestar E zemra e saj Rrihte në gjosin tënd si të frymonin shkëmbinjtë ndër male Gjakun e pastër Donin të ta mernin pike- pikë ndër damarë Se mëria e tyre Ish virusi i ferrit që donin të na sillnin në pragje.
Se Kalorësit e Natës Donin të na thanin këngët, vallet, djepet me ninananë Të na bënin Laookontë Që piskohej në deje nga helmi i vdekjes O gjakkatranë A nuk e dinit se ballë jush ka përherë Prometenj shqiptarë Që shqiponjën e lirë E kanë në flatrimin e lirisë brenda vetes????
Oh, motër me Ajkunën s'u bëra Të vija të fshija gjakun te trup i plagosur Të të thoja Ca fjalë si amanetet e pathëna të Nanëlokeve Pas shtatë muresh Merrnim jehonën e qëndresës tënde të pasosur E ëndrrën tënde E bënim bajrak në odat e kuvendet e Kosovës
E rrugët Të panë me zinxhirë, me pranga, me syrin te bjeshka E Sharri Mbi gjunjë ulej për ty, o bacë urtie, flokëthinjur Ta donim zërin tënd Si fyellin e Mjeshtrit që rizgjon forcë te zemra Të donim zjarrin e shpirtit, Të rindiznim pishtarin e tokës së rilindur
Edhe sot të duam Bash si Fisnik Kosove, si shkëmb kalaje i patutur Të na rrëfesh mençurisht Se liria vjen nga zemra që dot nuk prangosen E bashkë Të gëzojmë ditën me vargun tënd me mall të mbrujtur E bashkë Të dërgojmë në varre lulet ngjyrë vjollce. Hej, Bacë na trego agun që do të lindë nesër!!!!
NAMIK SELMANI
|