Prishtinë, 11 mars - Emri i ish ministrit Bedri Hamza dhe i ish-guvernatorit
Gani Gërguri, të enjten pritet të shkaktojnë fërkime midis positës e opozitës
në Kuvend. Siç dihet Lidhja Demokratike e Kosovës ka paralajmëruar se do të
braktisë seancën, duke konsideruar se emri i Hamzës për guvernator është
politik. Aleanca për Ardhmërinë e Kosovës, ka paralajmëruar se do të marrë
pjesë në votim. E, kryeparlamentari Krasniqi thotë se problemi qëndron të
kualiteteti që po sillet në Kuvend e jo te politika.
"Nuk është problemi tek emrat se nga cila parti vinë, por të kualiteti i tyre",
tha Krasniqi, pas mbledhjes së Kryesisë së Kuvendit.
Kryetari i Parlamentit të Kosovës, Jakup Krasniqi, deklaroi të hënën po ashtu
se vizitat e zyrtarëve të lartë të Bashkimit Evropian, apo cilitdo vend tjetër
nuk duhet të shihen si presion ndaj institucioneve ve të Kosovës, por sipas
tij, duhet të trajtohen si vizitë në shërbim të proceseve nëpër të cilat po
kalon Kosova.
"Është çështje tjetër se drejtuesit e Kosovës si i shohin dhe kuptojnë vizitat
si ndihme apo presion", tha Krasniqi.
Krasniqi këto komente i bëri pas mbledhjes së Kryesisë s e opozitës në Kuvend.
Gjatë kësaj jave Kuvendi i Kosovës do t`i mbajë dy seanca plenare. Të enjten,
më 14 mars, një ndër pikat e rendit të ditës do të jetë edhe emërimi i
guvernatorit të Bankës Qendrore të Kosovës. Përderisa pozita konsideron se
kandidimi i Bedri Hamzës për këtë post është në pajtueshmëri me ligjin, opozita
thekson se kandidati është plotësisht politik. LDK paralajmëron se përsëri do
ta lëshojë seancën në kohën kur votohet për guvernator të BQK-së.
Zgjedhje e Guvernatorit të BQK-së, pritet të jetë temë e nxehtë diskutimi në
mes pozitës dhe opozitës gjatë kësaj jave në Kuvend. Shefi i Grupit Parlamentar
të LDK-së, Ismet Beqiri, pas Kryesisë së Kuvendit, paralajmëroi përsëri
braktisjen e seancën në kohën kur do të votohet për Guvernator të BQK-së.
"Ne e kundërshtojmë fuqishëm zgjedhjen e tij dhe ne nuk do të marrim pjesë në
seancë. Edhe njëherë po e them se BQK-ja po shndërrohet në bankë partiake të
PDK-së", tha Beqiri.
Mirëpo, edhe pse AAK-ja mendon se zgjedhja e Bedri Hamzës është tërësisht
politike, shefi i Grupit Parlamentar të kij subjekti, Ardian Gjini, tha se
deputetët e AAK-së do të qëndrojnë në sallë, duke mos qartësuar nëse do të
votojnë për ose kundër zgjedhjes së Bedri Hamzës.
"Nëse nuk na pëlqen një individ i cili zgjidhet në atë post ne nuk e lëshojmë
seancën. Ne mund të votojmë kundër por jo ta braktisim sallën e Kuvendit. Loja mes pushtetit dhe opozitës mundet me zgjat me
dekada", tha Gjini.
E, për shefin e Grupit Parlamentar të PDK-së, Adem Grabovci, sigurimi i numrave
për të pasur vota të mjaftueshme të deputetëve nuk paraqet problem.
"Unë nuk i kam shumë problem numrat, por nuk jam vetëm ithtar i numrave që të
kem në kuorum. Mirëpo, jam ithtar i asaj që të angazhohemi së bashku, pozitë
dhe opozitë, sepse veni ynë është duke e kaluar një periudhë tepër të
ndjeshme", tha Grabovci.
Nesër do të vazhdojë seanca e ndërprerë të premten. Sipas Adem Grabovcit, nesër
përsëri do të bëhet kërkesë që t`i mundësohet kryeministrit Hashim Thaçi, të
raportojë për takimin e tij të fundit në Bruksel. Një gjë të tillë, PDK dhe
vetë kryeministri e kishin kërkuar të premten, por kërkesa nuk u miratua nga
deputetët.