Kandidati shqiptaro-amerikan për garën për në Senatin Amerikan, ish-kongresisti Xhozef DioGuardi flet ekskluzivisht për agjencinë e lajmeve INA, për misionin dhe rrugëtimin e tij që synon Senatin e SHBA-ve.

Republikani DioGuardi është edhe themeluesi i lobit të parë bashkëkohor shqiptar në Shtetet e Bashkuara, që mban emrin Lidhja Qytetare Shqiptaro amerikane, një prej lobeve më me ndikim në çështjet shqiptare në Uashington. Republikani DioGuardi do të konkurrojë për vendin që aktualisht mbahet nga senatorja demokrate e Nju Jorkut Kirsten Gillibrand.

INA: Pse jeni duke garuar që të përfaqësoni Nju Jork në Senatin e SHBA-ve?

DioGuardi : Po ! Si një kontabilist i certifikuar publik dhe ish anëtar i Kongresit, kam qenë dëshmitar i drejtpërdrejtë i përkeqësimit fiskal të vendit tonë të çmueshëm, dhe unë nuk mund të rri ulur mënjanë tani që ekonomia jonë është në krizë shumë të rëndë. Në vitin 1990, projektligjin të cilin unë e paraqita si anëtar i ri i Kongresit, " Zyrtari Kryesor Financiar dhe Akti Federal i Reformës", për të ndihmuar në sanimin fiskal në procesin e buxhetit në Uashington, DC, u nënshkrua dhe shndërrua në ligj.

Dy vjet më vonë, unë kam shkruar një libër për të paralajmëruar popullin amerikan për mungesën e përgjegjësisë fiskale, llogaridhënies financiare, si dhe transparencën në Capitol Hill, madje duke parashikuar edhe falimentimin e pashmangshëm të Amerikës. Sot kjo është absolutisht e qartë se shqetësimet e mia serioze nuk mund të injorohen, pasi që miliona amerikanë humbën punët e tyre dhe shtëpitë e tyre. Unë dua të përfundojë punën që fillova në vitin 1985 për të siguruar se Shtetet e Bashkuara janë edhe një herë duke vepruar në një mënyrë të përgjegjshme fiskale në mënyrë që të mbrojmë sigurinë tonë ekonomike dhe kombëtare.

INA: Gjatë kësaj fushate ju kemi parë " kur takoheni me grupe shqiptare u flisni për origjinën tuaj, teksa e kundërta ndodh kur flisni me gazetarët amerikan ? Kështu ka ndodhur kur ju shpallët hyrjen tuaj në garë për një vend në Senatin e SHBA, ju asnjëherë nuk e përmendet fjalën "shqiptarë" gjatë një interviste ?

DioGuardi : Ju duhet t'a keni vërejtur fare mirë se edhe kur mua mundohen të më indetifikojnë gazetarët amerikan se unë jam "Babai i vajzës së famshme, anëtare e jurisë së American Idol, Kara DioGuardi, këngëtare dhe tekst shkruajtëse e njohur anembanë Amerikës, pra ata duan të tregojnë se "nëse unë jam dikushi jam si babai i Kara DioGuardit", kam reaguar. Unë nuk mund t'a mohojë kurrë se jam babai i saj dhe jam krenarë, por u kam thënë gazetarëve se :"Hej !nuk është kandidate për në Senat vajza ime Kara DioGuardi - jamë unë Joe DioGuardi. Të gjithë e dinë se origjina ime është ajo e një emigranti shqiptarë. Unë kurrë nuk i harrojë shqiptarët sepse çdo ditë jam me shqiptarët. Ashtu si dhe shumë familje emigrantësh shqiptarë, edhe unë e nisa nga hiçi, për t'u bërë një njeri suksesshëm në Amerikë. Unë jam shumë krenar çfarë Amerika bëri për prindërit e mi dhe për mua. Mua dhe familjen time na karakterizon "puna e madhe për t'u bërë dikush, dhe për të qenë dikush", ose si i thonë në shqip ;"Punë shumë". Me punë unë arrita të bëhem kongresmen, vajza ime Kara ka arritur majat e suksesit duke u bërë e famshme në muzikë dhe në spektaklin më të shikuar në SHBA-së, "American Idol".

INA: Sa keni arritur ju gjatë kësaj fushate të bëni për vete komunitetet e tjera ?

DioGuardi : E kuptoj mirë këtë pyetje! Si shembull që të përgjigjem pyetjes suaj do t'ju kujtojë ndihmën që kam marrë nga komuniteti çifut në Nju Jork. Këtu në Nju Jork dihet se ka një komunitet çifut nga më të mëdhatë në SHBA-së, i fuqishëm ekonomikisht dhe politikisht. Pjesa më e madhe e tyre e dinë mirë sesa kam punuar unë dhe bashkëshortja ime Shirli, për këtë komunitet. Unë dhe gruaja ime Shirli kemi ndërtuar "një urë të bukur" mes komunitetit çifut dhe komunitetit shqiptarë nëpërmjet fakteve.

Unë dhe Shirli kemi shkruar disa artikuj për revistat dhe gazetat e ndryshme të Amerikës dhe të organizatave çifute që flet për çifutët e mbijetuar në Shqipëri. Kemi vizituar Izraelin dhe kemi pas takime më lobin çifut këtu në SHBA-së. Dhe arsyeja e këtyre artikujve, takimeve me lider çifut, ishte që të tregonim sesi shqiptarët i kanë ndihmuar çifutët që të ingranoheshin sa më mirë në tokën shqiptare, por edhe që të thonim të vërtetën. Të mos harrojmë se "Kush e ndihmoi daljen në dritë të përmasave të angazhimit dhe të sakrificës shqiptare, gjatë Luftës së Dytë Botërore dhe gjatë regjimit komunistë?

Në përpjekje për t'i hyrë në zemër kongresistit Tom Lantos, diktatori Ramiz Alia, ia prezantoi atij një arkiv të paparë më parë me letra, fotografi dhe pjesë të këputura gazetash që flisnin për shqiptarët që ndihmuan e shpëtuan hebrenj gjatë Luftës së Dytë Botërore. Më pas, unë i dërgova me ndihmën e Tom Lantos këto dosje në Izrael, ku ato u vërtetuan nga Jad Vashemi (Yad Vashem). Në vitin 1995, me ndihmën e kongresistit Lantos dhe të ish-kongresistit Ben Gilman, Fondacioni Shqiptaro-Amerikan punoi me Muzeun Memorial Amerikan të Holokaustit në Uashington DC, për ta bashkëngjitur Shqipërinë, më parë e pa vënë re në sektorin e Muzeut, "Në mesin e Kombeve të Nderuara Righteous among Nations". Sot, mendojë që komuniteti çifut i di mirë këto çka thashë dhe na janë mirënjohës dhe kanë respekt për punën tonë, dhe natyrisht që po na ndihmojnë në fushatë.

INA: A mundet që komuniteti shqiptarë, pra ata që votojnë mund të ndikojnë në votime ?

DioGuardi : Nuk mund të them që Jo! Pasi edhe nëse nuk mund të bëjnë ndryshim me votë ata duhet të bëjnë ndryshim në se më ndihmojnë me para. Shqiptarët e Amerikës, duhet të ndihmojnë me para njësojë si Sckot Braun në Masachustes, ku "theu" dinastinë Kennedy për herë të parë vetëm me parat e mbledhura anembanë SHBA-së, me anë të fushatës së mbledhjes së parave në internet dhe dërgimit direkt për fushatën, Contributions to People for DioGuardi.