Sipas vendimit që u mor në këtë mbledhje të
KQZ-së, do të ngrihen dy grupe numërimi të cilat do të nisin gjatë ditës së
sotme numërimin për 6 kutitë e Fushë-Kuqes, të cilat ndodhen në ambientet e
Komisionit Qendror të Zgjedhjeve. Ndërkohë po sot do te merret nje vendim edhe
per tri kutitë e qarkut të Fierit, në të cilat dy partitë e mëdha, PD dhe PS
kane varur shpresat per mandat
Komisioni Qendror i
Zgjedhjeve miratoi në unanimitet pasditen e djeshme, se 6 kutitë e Fushë-Kuqes
që i përkasin KZAZ-së 39, do të numërohen sot në orën 9.00 në ambientet e KQZ-së. Sipas
vendimit që u mor në këtë mbledhje të KQZ-së, do të ngrihen dy grupe numërimi
të cilat do të nisin gjatë ditës së sotme numërimin për 6 kutitë e
Fushë-Kuqes, të cilat ndodhen në ambientet e Komisionit Qendror të Zgjedhjeve.
Rezultatet që do të dalin nga këto kuti votimi do t'i bashkëngjiten 53 kutive
të tjera të qarkut të Lezhës, duke nxjerrë kështu edhe rezultatet përfundimtare
dhe mandatet shoqëruese të Qarkut të Lezhës. Të dhënat paraprake nga ky qark
nxjerrin fituese PDnë me 4 mandate deputetësh, e ndjekur nga PS-ja me 3
deputetë.
Ndërkohë, tri kutitë e qarkut të Fierit, në të cilat dy partitë e mëdha,
PD dhe PS kanë varur shpresat për të fituar të drejtën e formimit të qeverisë
së ardhshme, kanë mbërritur paraditen e djeshme në KQZ dhe do të numërohen aty.
Të dhënat
paraprake nga ky institucion, nxjerrin në raport të barabartë mandatesh 70-70,
të majtën dhe të djathtën. Pritet të nisë numërimi i këtyre 3 kutive për të
zbuluar nëse do të ndikojnë në ndryshimin e rezultatit. Këto kuti u bënë objekt
për
tensionimin e situatës pranë KZAZ-së 20 në Fier, gjatë orëve të mbrëmjes së të
mërkurës, deri në orët e para të mëngjesit të djeshëm. Komisionerët e Partisë
Demokratike pretendonin se 3 kutitë kishin probleme teknike dhe ishin të
papranueshme për një proces normal. Ku fakt irritoi kandidatët dhe
përfaqësuesit e PSsë në këtë proces, të cilët e
kontestuan këtë vendim dhe kërkuan rinumërim të kutive dhe vlerësim të
rezultateve.