Pas përfundimit pa probleme të krizës me vëzhguesit e OSBE-së që ishin
marrë peng në Ukrainë në drejtim të ushtrisë gjermane Bundeswehr dhe të
qeverisë federale gjermane po dëgjohen kritika të forta.
Zëvendëskryetari i partisë CSU Peter Gauweiler e kritikoi ministren e
Mbrojtjes Ursula von der Leyen duke thënë se veprimet e ushtarëve
gjermanë të veshur me rroba civile në Ukrainën lindore - në të njëjtën
kohë me por edhe jashtë misionit të posaçëm diplomatik të OSBE-së nuk
ishin "në interes të Gjermanisë." Gauweiler tha për revistën "Der
Spiegel" se nuk e kupton "se pse duhet të jetë në interesin tonë për t'u
futur në një mënyrë të tillë në konflikt."
Para tij dërgimin e grupit të vëzhguesve e kishte kritikuar edhe partia E
Majta, e cila e quajti këtë veprim si jo të mençur dhe "tejet
joprofesonal". Alexander S. Neu, përfaqësues i kësaj partie në
Komisionin parlamentar për Mbrojtjen tha se : "Pyetja është se pse
pikërisht tani dhe në lindje të vendit."
Ushtarët nuk i përkisnin misionit diplomatik vëzhgues të OSBE-së
Sipas zëvendëskryetarit të qendrës së OSBE-së për parandalimin e krizave
Claus Neukirch, ushtarët nuk i përkisnin misionit diplomatik vëzhgues
të OSBE-së. Përkundrazi ky ishte një mision i udhëhequr nga ushtria
gjermane me ftesë të qeverisë ukrainase. Inspektive të tilla sipas
"Dokumentit të Vjenës" nuk kanë mandatin e gjerë të Misionit të OSBE-së,
por janë marrëveshje mes vetë shteteve pjesëmarrëse.
Von der Leyen mbron misionin
Ministrja e Mbrojtjes von der Leyen (CDU) i kodhi poshtë kritikat se
misioni nën drejtimin e kolonelit të Bundeswehr-it Axel Schneider kishte
qenë tepër i rrezikshëm. Qeveria gjermane nuk duhet të trembet, tha ajo
në stacionin televiziv gjerman ZDF, dhe marrja peng e inspektorëve
ishte fillimi i acarimit të gjendjes në rajon.
Von der Leyen tha se OSBE-ja duhet të mbrojë mision e saj, që është
realizimi i sigurisë dhe i bashkëpunimit edhe përmes transparencës dhe
masave për krijimin e besimit. Tani duhet bërë gjithçka që zgjedhjet
presidenciale në Ukrainë të zhvillohet sikurse është planifikuar më 25
maj dhe nën vëzhgimin e OSBE-së.dw
Comments (0)
Dërgoja shokut
Printo
