5000 NUMRA TË GAZETËS "KOHA DITORE"
E Enjte, 05.19.2011, 02:13pm (GMT+1)
Publikuar: Sot, më 19 maj 2011
Prishtinë, 19 maj Gazeta "Koha Ditore" sot nxori nga shtypi numrin e saj 5000 të. Nxjerrja këtij numri jubilar dhe rekord të gazetës që filloi të botohet në kushte paralufte dhe lufte në Kosovë, u kremtua sot në lokalet e gazetës. Me këtë rast drejtoresha e Koha Group Flaka Surroi përkujtoi etapat e zhvillimit të kësaj gazete dhe vështirësitë në kohën e luftës kur ishte lajmëtari më besnik dhe më real ngjarjeve që zhvilloheshin atëherë në Kosovë e në veçanti të krimeve të ushtrisë e të policisë serbe. Sot gazeta "Koha Ditore" është gazeta prijëse në shtypin e Kosovës që shquhet me pavarësinë botuese, me paanshmërinë informative, me saktësinë e informacionit dhe me plotësinë e argumentacionit. Duke shënuar këtë arritje të gazetës me botimin numrit të 5000-të, në lokalet e "Koha Ditore" u pre edhe torta madhe e gazetës numër një në Kosovë "Koha Ditore".
(http://www.koha.net)
www.voal-online.ch
|