Voal-online.ch - "Bashkësia ndërkombëtar nuk ka menduar madje as për të krijuar një gjykatë, çka dëshmon se ishin të bindur se nuk do të gjenin asgjë." Kështu ka thënë Dick Marty në mikrofonët e RSI mbi raportin e paraqitur sot në mëngjes nga bashkërenduesi i celulës për hetimet speciale të Bashkimit Evropian dhe bazuar në një hetim të para tri viteve.
Pyetje:Çfarë mendon për
raportin e prokurorit Williamson?
Dick Marty: Nga konkluzionet e para të Williamson, më duhet të them se
hetimi ende nuk ka përfunduar, janë të njëjta me substancialisht me raportin
tim qe kam paraqitur unë në Ansamblenë parlamentare të Këshillit të Europës. Unë kam punuar vetëm me një bashkëpunëtor të ri, me kohë të plotë dhe kemi
mbledhur dëshmi të rëndësishme. Ekipi i Williamson që është krijuar më pas, përbëhet nga rreth 40 bashkëpunëtorë që punojnë me kohë të plotë, dhe përsëris, arrijnë
në konkluzionet e mia, flasin për krime kundër njerëzimit dhe për fakte me shumë
të rënda. Jam i kënaqur për këto rezultate që prapë janë të vonuara, sepse
megjithëse kanë ekzistuar të dhëna, komuniteti ndërkombëtar ka bërë shumë pak
dhe vetëm pas paraqitjes të raportit tim ishte e pamundur më që të injoroheshin
faktet.
Pyetje: Edhe sot, si thuhej atëher, mungojnë provat...
Dick Marty: Të gjithë ata që kanë kërkuar prova, në realitet nuk kanë bërë
asgjë për t'i kërkuar këto prova. Për komunitetin ndërkombëtar ishte më komode
të mos i gjenin këto prova. Ndërsa Williamson i ka kërkuar provat dhe ka gjetur
gjëra shumë serioze. Ai është Ambasador Amerikan përveçse prokurator special, që
flet për krime kundër njerëzimit sot, do të thotë se ai ka gjetur fakte që i
kam gjetur edhe unë, dhe ndoshta edhe prova të tjera. Më vjen keq që Clint
Williamson e le pikërisht në këtë moment kruçial detyrën e tij. Pasuesi nuk
është emëruar ende dhe kjo tregon sikletin e bashkësisë ndërkombëtare. Bashkësia
ndërkombëtare pas raportit tim ka krijuar një prokurori speciale, një grup
hetimor, por ende jo një gjykatë speciale dhe kjo më duket sinjifikative, sepse
bashkësia ndërkombëtare as që ka menduar se do të gjenden prova dhe në fakt me
sa duket Williamson i ka gjetur disa gjëra.
Pyetje: A do të krijohet një gjykatë?
Dick Marty: Kjo është ende e vështirë të thuhet. Në fillim
duhet të emërohet pasuesi dhe zgjedhja e pasuesit është vendimtare. Duhet të
gjendet një njeri me të vërtetë i pavarur - i pavarur nga presionet diplomatike
dhe i aftë për të udhëhequr një hetim të tillë e për të drejtuar një grup kaq
të madhe hetuesish. Kjo gjykatë supozohet të krijohet sipas ligjit kosovar,
por me një vendndodhje jashtë Kosovës, flitet për Hagën, por kjo do të thotë që
dy të tretat e parlamentit të Kosovës, duhet ta aprovojnë këtë vendim. Tani ne
e dimë se situata politike në Kosovë është totalisht e bllokuar dhe as që kanë
arritur nga zgjedhjet e fundit të krijojnë një qeveri, sepse mesa duket nuk ka
marrëveshje midis partive të ndryshme.