TREPÇA ILIRIANE
Nga RRUSTEM GECI
E Premte, 01.16.2015, 10:57am (GMT+1)
 Në Trepçë është palca Shqipërisë
qenia që të adhmen ma përcakton
le të çmenden të gjitha perënditë
Trepça Iliriane mua s´më mohon
Në të dielat e arit dhe t´ argjendit
në të hënat e shiut dhe metaleve
u vetëlindën plumbi, zinku, dhe ari
dhe kristalet e florinjta të Trepçës
Hapini ballinat e faqeve të tokës
të shihni feldspathet, manganin
në të reshurat...midis vullkaneve
u vetëlindë Trepça jonë dhe Opali
Qahen thëngjillet, floriret e tokës
qahen humuset, molibdeni blu
me gjunj të natës po m´i bien tokës
qahen pemët për degët kërcu
Fol gjuhë e lashtë e kësaj toke
Trepça e Kosovës prindin e di
Në Trepçë Kosova ka një emër
Mëmë e baba ia quajnë, Shqipëri!
Dortmund, 2015RRUSTEM GECI
|
Comments (0)
Dërgoja shokut
Printo
