MALLI PËR VENDLINDJEN
Nga AHMET KOLGJINI
E Martë, 01.27.2015, 09:55am (GMT+1)
 Foshnje më rrëmbyen nga gjini yt
Të fundit pashë Gjalliçën kapuç -bardhë
Pastaj gjithçka nëpër mistër u zhyt...
Oh, malli po më djeg, se due me ardhë
Sërish të shoh Gjalliçën si shkërbe
Veshun në jeshil me gajtana bore
Kryet e argjentë krenare përmbi re
Kambët mbështetun fort nëpër tërthore
Që me dashuni ia freskojnë Drinat
Dhe lulet që rreziten në pranverë
Rudat që kullosin... Të shoh trimat
Sesi n'betejë u turrën si skifterë
Të shoh Qafën, Kullën, historine
Gjurmët e atyne që për komb u shkrinë...AHMET KOLGJINI
|
Comments (0)
Dërgoja shokut
Printo
