LOJA E FJALËVE NË FACEBOOK
Nga SINAN KËRPAÇI
E Djelë, 02.22.2015, 11:06am (GMT+1)
E vendosëm që do dashurohemi feisbukjania ime
me mënyrën tonë më të veçantë:
me "dashuri larg",
me "tastierë", me "çat".
Do ta ngjitim në piedestal betimin e madh
shoqëruar me një "Rroftë ajo që u tha!"
Përvoja na thotë se "të egrin" e kërkojmë
si Ti atje edhe Unë këtu,
po në tastierë, fare lehtë
mund ta gjejmë të dy,
por ne do rendim vetëm te "e të dyve"
pa i ndarë "Unë" dhe "Ti" me të tjerë.
Do ta ruajmë magjiken si dritën e syve,
do rendim me një dashuri: me "e të dyve".
Eja të qeshim hahaha përsa thamë lart
si feisbukjanë të thekur me betime në çat
për të veçantën tonë me krahë,
për lojën e fjalëve që s`u lodhën
me premtime dhe hahaha,
hahaha pa fund, o çat-jania ime!
(Nga libri në dorëshkrim "PUTHJELODHURA")SINAN KËRPAÇI
|
Comments (0)
Dërgoja shokut
Printo
