Mijëra qytetarë kanë protestuar në disa qytete të Kosovës, në shenjë
pakënaqësie ndaj sjelljes së institucioneve në raport me qytetarët, thonë
organizatorët.
Nën moton "Ndale Hajninë", protestat u zhvilluan në gjashtë qytetet
më të mëdha të vendit, Prishtinë, Pejë, Prizren, Gjakovë, Gjilan e Mitrovicë.
Organizatorët e marshit, që thonë se janë një grup i qytetarëve apolitik, kanë
njoftuar se protestat kanë mbaruar pa asnjë incident, dhe se sipas tyre "mijëra
qytetarë" iu përgjigjen thirrjes.
Në Prishtinë ndërkaq numri i qytetarëve që dolën në protestë ishte simbolik,
dhe më i vogël se herave të tjera.