Voal-online Një gjykata federale apeli vendosi dje që trashëgimtarët e Anna Nicole Smith të mos marrin asnjë cent nga më shumë se $300 milionë që ajo pati kërkuar nga pasuria e të shoqit të saj industrialist miliardier nafte.

Në kthesën më të fundit të betejës 15 vjeçare për pasurinë e vlerësuar me $1.6 miliardë të teksanit Texan J. Howard Marshall, gjykata e apelit e rajonit të 9-të vendosi në të mirë të djalit të tij, Pierce.

Vendimi do të thotë që e vetmja e mbijetuar e Anna Nicole Smith, vajza trevjeçare Danielyn, nuk do të marrë asgjë, thanë avokatët e Pierce Marshall.

"Kjo do të thotë se çështja është përfunduar, dhe se E. Pierce Marshall fiton. Shpresojmë se ky është vërtet fundi i çështjes," tha për Reuters Eric Brunstad, avokat i Marshall-it.

Smith u martua me industrialistin e naftës J. Howard Marshall më 1994 kur ajo ishte 26 vjeçe dhe ai ishte 89.

Marshall vdiq një vit më vonë, duke pasuar një betejë e rëndë lidhur me pasurinë midis artistes dhe djalit të industrailist, Pierce, i cili vdiq më 2006. Me këtë çështje u muar edhe Gjykata Supreme e SHBA më 2006.

Smith vdiq nga një mbidozë barnash më 2007 dhe u mbijetua nga Danielyn, e cila u atësua nga fotografi Larry Birkhead. Djali i artistes, Daniel, nga martesa e saj e parë, vdiq në moshën 20 vjeç nga një mbidozë droge. As Birkhead, as avokati i saj nuk komunikuan me mediat për komente.

Në seancat e mëparshme, Smith kishte argumentuar se i shoqi i saj ia kishte premtuar asaj më shumë se $300 milionë pas vdekjes së tij, dhe se Pierce Marshall ka ndërhyrë në dëshirat e e të shoqit të saj. Por i biri tha se $7 milionë që Smith i mori dhuratë gjatë martesës ishin gjithçka që babai i tij donte t'ia jepte asaj.

Vendimi i djeshëm thotë se gjykata federale duhet të respektojë vendimin e vitit 2001 nga një gjykatë në Teksas e cila gjeti se Marshall nuk kishte ndërmend t'i linte para artistes pas vdekjes së tij.

Brunstad tha se avokati i Anna Nicole Smith mund ta kundërshtojë vendimin në Gjykatën Supreme të SHBA, pro ai mendon se çështja tashmë është mbyllur.

E veja e Pierce Marshall, Elaine, e vazhdoi çështjen në emër të të shoqit të ndjerë dhe familja Marshall tha se përpjekjet e tyre kishin dhënë fryte./Elida BUÇPAPAJ

(http://www.reuters.com)