|
SAPUNI "LEDI MAKBETH" Poezi nga ISMAIL KADARE
E Martë, 10.11.2011, 09:13am (GMT+1)
Ka katërqind vjet
Që duart ajo lan
Me sapunë gjithfarë markash
"Lux","Camay".
Por asnjë prej tyre
Nga duart dot s'ia heq
Njollat e gjakut
Ledit Makbeth.
Cdo natë në TV
Reklama gjithfarësh,
Sapuni gjakshlyes
Do të shpiket vallë.
Përpara ekranit,
Ledi, ti pret me kot.
Bimësi e globit
Më kot u lodh.
U lodhën mendjet
E shpikësve në botë
S'do të shpiket kurrë
Ai sapun kob.
Në qoftë se ky planet
Ka një grusht cilësish,
Një ndër më të çmuarat
Është kjo, natyrisht.
ISMAIL KADARE
|
Comments (1)
Dërgoja shokut
Printo
