CIKËL ME POEZI HAJKU
Nga ADEM ZAPLLUZHA, nga libri “Një grusht dashuriâ€
E Hënë, 04.28.2014, 02:12pm (GMT+1)
 Pas shpinës digjeshin lulet
çdo gjë mbeti
vetëm një kujtesë.
***
Kur zbardhi agullima
në degët e mollës
ti mbete harresë...!
***
Ajo i përngjante ëndrrës
kur nga baladat
ikën zogjtë pretarë.
***
Trëndafilat çelin
pëllumba prej argjile
dielli perëndon në veri.
***
Pareshtur dënesin mjellmat
në lotin tim,
përmbyten varkat e dehura.
***
Mbi hinoren time
si qentë endacak
mbrëmë lehën mjegullat.
***
Aq shumë kisha uri
sa që leha
në kuartet me yjet.
***
Ti s'ishe askund
kur dje ikën
zogjtë e mendjes.
***
Isha i uritur
kur e kafshova ditën,
befasisht lehte nata.
***
Pas larjes së dhëmbëve
putha brushën
ngarkuar me lot.
ADEM ZAPLLUZHA
|
Comments (0)
Dërgoja shokut
Printo
