Presidenti i parë i Kosovës, Kryetar i Lidhjes Demokratike prej vitit 1989 deri në vitin 2005, studiues i shquar. Lindi në Cërrcë të Burimit më 12 shkurt. Kreu shkollën e mesme në Pejë 1967 dhe studimet e larta në degën e Gjuhës dhe të Letërsisë Shqipe në Universitetin e Prishtinës 1971. Në vitet 1976-1977 studio në Ecole Pratique des Hautes, (shkolla Praktike e Studimeve të Larta në Paris. Pas zgjedhjeve parlamentare që atëbotë nuk pranoheshin ndërkombëtarisht, më 24 maj 1992, Rugova zgjidhet kryetar i Republikës së posashpallur të Kosovës. Nën udhëheqjen e tij, shqiptarët e Kosovës ndërtuan strukturat e veta paralele të administratës, shëndetësisë dhe të arsimit, ndërsa Rugova vetë angazhohej për zgjidhje të çështjes së Kosovës me mjete paqësore dhe për njohjen ndërkombëtare të çështjes të Kosovës. Në zgjedhjet parlamentare të organizuara nga administrata e përkohshme e Kombeve të Bashkuara, partia e Rugovës fiton shumicën, ndërsa ai vetë zgjedhet kryetar i Kosovës më 4 mars 2002. Në këtë funksion, ai vazhdon ta potencojë miqësinë dhe politikën e bashkëpunimit me SHBA dhe vendet evropiane nga të cilat vazhdimisht kërkon pranimin formal të pavarësisë së Kosovës. Në vitin 2005 rizgjedhet kryetar.
Më 5 shtator 2005, Ibrahim Rugova njofton opinionin që është i sëmurë nga kanceri i mushkërive. Përderisa ai e dorëzoi postin e kryetarit të LDK-së, funksionin e Presidentit të Kosovës, ai e kryen deri në ditën e vdekjes më 21 janar 2006. Ibrahim Rugova kujtohet si simbol i luftës paqësore të shqiptarëve për lirinë dhe pavarësinë e Kosovës.