"Ne jemi të informuar për këtë kumtesë, personi i koalicionit AAK-së,
LDK-së, VV-së dhe Nismas është që seanca të mbahet nesër të mos shtyhet
dhe kërkesa jonë ndaj listës Srpska është që të vijnë në seancë
pavarësisht kësaj kërkese", ka thënë Haradinaj, përcjell kp.
"Edhe pse partneriteti jonë me ta nuk ka ndryshuar, ne kemi bërë të
gjitha përgatitjet që të shkohet nesër në seancë. Ne mendojmë që është e
panevojshme për shtyrje të seancës në këtë kohë 24 orë para fillimit të
seancës, çdo paqartësi që ka mund të zgjidhet edhe në seancë ne
insistojmë që seanca të mbahet ashtu siç është paraparë dhe secili
anëtar të jep kontributin e vet në seancë", ka thënë Haradinaj.
Ai tha se presin ta zgjedhin kryetarin edhe pa Listën Srpska.
Kurse, kryetari i grupit 6 plus Mahir Yagcilar pas takimit me PDK-në dhe
Bllokun tha për medie se e kanë njoftuar bllokun se do ta përkrahin
kandidatin e PDK-së në seancën e nesërme konstituive.
Ai tha se do ta përkrahin kandidatin e PDK-së në herën e parë dhe nëse
nuk merr shumicën, atëherë do të shohin edhe përkrahje të tjera.