Presidenti Fatmir Sejdiu priti përfaqësuesit e partive politike në takime të ndara, për t'u konsultuar rreth datës së zgjedhjeve lokale në Kosovë. Partitë politike duhet t'ia kenë dorëzuar me shkrim propozimet. Ndërsa përgjigjet e tyre do të shqyrtohen nga presidenti, i cili ka thënë se do të marrë një vendim varësisht prej kërkesës që mund ta kenë bërë shumica e subjekteve politike.
Kryetari i AAK-së, Ramush Haradinaj, i ka dërguar një letër presidentit Fatmir Sejdiu, në të cilën sugjerohet 25 tetori 2009 si data më e përshtatshme për mbajtjen e zgjedhjeve lokale. Haradinaj kërkon nga kreu i vendit që brenda afatit sa më të shkurtër kohor të shpallë datën e zgjedhjeve. RTK