My "debate" on "@AlbinotMaloku on twitter" with UNGA chief
Vuk Jeremic:
Si shkak i debatit në OKB, i thirrur nga kryesuesi i Asamblesë së Përgjithshme
të Kombeve të Bashkuara, Vuk Jeremiq për punën e Gjykatave ndërkombëtare për
krime lufte, publicisti dhe analisti politik Albinot Maloku në rrjetin social
Twitter e kishte quajtur "cirkus" këtë organizim.
Maloku kishte shkruar në gjuhen kroate dhe angleze duke thënë: "Askush nuk
dëshiron të marrë pjesë në cirkun e Vuk Jeremiqit në lidhje me Gjykatën e Hagës
në KB. Nuk e di se me kë do të debatoj shefi i AP të KB".
I shpejt ishte edhe reagimi i kryesuesit të Asamblesë së Përgjithshme të
Kombeve të Bashkuara, Vuk Jeremiq përmes rrjetit social Twitter, i cili në
gjuhen serbe kishte shkruar: "Shteti yt (Shqipëria) është paraqitur të marrë
pjesë, miku..."
Kundërpërgjigjja e publicistit dhe analistit politik, Albinot Maloku ndaj
Kryesuesit të AP të KB, Vuk Jeremiq ishte në gjuhen angleze: "Shteti im i vetëm
për tani është Republika e Kosovës, z. Kryesues i AP të KB, i cili nuk do të
participi në atë të ashtuquajtur debat".
Debati i përfolur me pompozitet nga Jeremiq, ku pretendohej që shtetet e botës
do të flasin për rolin e Gjykatave të Hagës për krimet e luftës duket se
dështojë.
--
Albinot Maloku u lind në Podujevë. Shkollën fillore e mbaroi në vendlindjen e tij, ndërsa të mesmen në Prizren. Politologjinë e mbaroi në Fakultetin e Shkencave Politike të Universitetit të Sarajevës. Është në përfundim të studimeve pasuniversitare në Fakultetin e Drejtësisë, Departamenti i së Drejtës Ndërkombëtare pran Universitetit të Prishtinës.
Shkruan dhe shkroi shumë tekste për media të ndryshme elektronike dhe të shkruara në Kosovë, Shqipëri, Maqedoni, Bosnje dhe Hercegovinë, Mal të Zi dhe Serbi.
Deri më tani Maloku ka shkruar disa vështrime analitike të librave nga autorë të ndryshëm nga vendet ballkanike. Ka përkthyer nga gjuha shqipe në gjuhën boshnjake dhe anasjelltas disa tekste dhe punime shkencore.
Maloku në vitin 2007. mori pjesë në një konferencë ndërkombëtare mbi Gjenocidin në Sarajevë, ku foli mbi temën: "Dëshmitë e ICTY, në rastin Millosheviç për krimet në Kosovë".
Në vitin 2012. botoi librin e tij të parë në gjuhën boshnjake "Pavarësia e Republikës së Kosovës në shtypin ditorë të Bosnje dhe Hercegovinës." Në përgatitje ka edhe librin e dytë në gjuhën shqipe.
Maloku është publicist bilingual. Aktualisht jeton në Podujevë, Kosovë.