Voal-online 20 Maj Këshilli Federal ka vendosur sot të mos hyjë në veprim e ashtuquajtura klauzolë e mbrojtjes së tregut helvetik të punës, i cili do të mundësonte, shmangien e përkohëshme të marrëveshjeve të qarkullimit të lirë, në lidhje me kontigjentet e të huajve të ardhur nga pesëmbëdhjetë vende kryesore të Bashkimit Evropian.
Qeveria, pavarësisht ekzistencës së kushteve (shtimi i emigracionit dhe rritja e papunësisë), ka hedhur poshtë këtë mundësi, duke gjykuar se ky kufizim do të kishte një "ndikim relativisht të pakët" në dy dukuritë e përmendura dhe duke rikujtuar se shumica e kantoneve dhe e kategorive sociale të vendit ishin kundër.
Ndërkaq zbatimi i këtoj kufizimi do të kishte dhënë sinjale negative ndaj Bashkimit Europian "çka nuk do ishte kurrsesi e pranueshme në kontekstin" politik, ka saktësuar organi ekezekutiv i vendit, duke e pasur fjalën tek trysnia ndaj sekretit bankar.
Jo vetëm kaq: qeveria ua rikujton ndërmarrjeve se ato mund të vazhdojnë rekrutimin e të punësuarve të cilët kanë nevojë të punojnë në Zvicër në periudha të caktuara.
Për ta zbatuar këtë vendim, qeveria ka ngarkuar ministren e Drejtësisë dhe të Policisë Eveline Widmer-Schlumpf ta ndjekë nga afër zhvillimin e situatës së emigracionit dhe të tregut të punës.
Comments (0)
Dërgoja shokut
Printo
