VOAL - Online Zëri i Shqiptarëve - SHQIPËRI - 7 DEPUTETË FITUAN KREDI SI TË VARFËRDeputetët e PD Arenca Trashani, Astrit Bushati, Edi Paloka, Gjergji Papa, Ndue Paluca, Paulina Hoti dhe deputetja e PS Paulina Hoxha

-Të qenit deputet përveç një vendi të privilegjuar në shoqëri, të mundëson dhe shumë favore të tjera, duke filluar si nga paga, pasaporta diplomatike, lehtësirat në dogana etj. Në këtë kuadër deputetë mund të trajtohen edhe si të pastrehë duke përfituar kredi si të varfrit. Në vitin 2010, qeveria "Berisha" do të merrte një vendim për dhënie me kredi me interes zero për ministrat, politikanët dhe zyrtarët e lartë, duke i përfshirë në kategorinë e personave që jetojnë në kushtet jonormale të strehimit. Sipas udhëzimit të atëhershëm nga ministrat e Transportit dhe të Financave, Sokol Olldashi dhe Ridvan Bode, futen në programin e kredive të lehtësuara të subvencionuara nga shteti zyrtarë që përfitojnë sipas vendimit Nr.600, datë 12.9.2007 "Për trajtimin me strehim të nëpunësve civilë të administratës së lartë shtetërore dhe të funksionarëve politikë". Me udhëzimin e ri, dy ministrat përfshinë njëherësh zbatimin e dy vendimeve të tjera të tjera, nr.600 datë 12.9.2007 dhe nr.814, datë 3.12.2004. Përveç lehtësirave, funksionarët e lartë mund ta përfitojnë edhe nëse kanë vetëm 3 muaj punë pa ndërprerje në institucionin zyrtar.

Deputetët përfitues

Nga një hulumtim i gazetës "˜Shekulli" se sa është shfrytëzuar ky opsion nga deputetët, rezulton se gjatë 8 viteve, 2005-2013, nga kjo mundësi kanë përfituar gjithsej shtatë deputetë, midis të cilëve edhe një deputet socialist. Nga dokumentet që disponon gazeta, rezulton se janë gjithsej 6 deputetë të Partisë Demokratike që kanë përfituar nga statusi i tyre si deputet. Sipas dokumentit që disponohet, thuhet se deputetët janë trajtuar me kredi strehimi "˜bazuar në vendimin nr 600, datë 12.9.2010, të Këshillit të Ministrave "Për trajtimin me strehim të nëpunësve civilë të administratës së lartë shtetërore dhe funksionarëve politikë". Ajo që vihet re, gjatë drejtimit të Kuvendit nga Kryetarja Jozefina Topalli, përfituesit kanë qenë kryesisht nga qarqet Lezhë dhe Shkodër. Në këtë pikë janë harruar edhe dallimet politike, pasi edhe deputetja socialiste Paulina Hoxha, mjafton që është nga Shkodra. Të shtatë kanë fituar nga 5 milionë lekë kredi. Sipas dokumentit, fituesit e kredive të buta janë: Arenca Trashani (deputete e PD-së, qarku Shkodër); Astrit Bushati (deputet i PD-së, qarku Shkodër), Edi Paloka (deputet i PD-së, qarku Lezhë), Gjergji Papa (deputet i PD-së, qarku Korçë); Ndue Paluca (deputet i PD-së, qarku Shkodër); Paulina Hoxha (deputete e PS-së, qarku Shkodër), Paulina Hoti (deputete e PD-së, qarku Lezhë);

Përfituesit

Vendimi i qeverisë "Berisha" u jepte disa funksionarëve politikë dhe nëpunësve civilë të administratës së lartë shtetërore trajtim me strehim, si: anëtarët e Këshillit të Ministrave;b) deputetët; c) anëtarët e Gjykatës Kushtetuese dhe të Gjykatës së Lartë, Prokurori i Përgjithshëm; ç)zëvendësministrat dhe personat e barazuar me ta, prefektët, dhe ushtarakët, me gradën e gjeneralit; d) funksionarët politikë në kabinetet e Presidentit, të Kryetarit të Kuvendit, Kryeministrit dhe të ministrave;dh) titullarët e institucioneve qendrore e në varësi të Kryeministrit apo të ministrit, titullarët apo drejtuesit ekzekutivë, të institucioneve qendrore, të pavarura, si dhe të punësuarit në sektorin publik, në kuadër të projektit "Brain Gain"; e) nëpunësit civilë të administratës qendrore, nga drejtor drejtorie deri te sekretar i përgjithshëm.