Beograd - Gjatë raundit të shtatë të bisedimeve ndërmjet Beogradit e
Prishtinës, BE ka ofruar një dokument kornizë për Bashkësinë e komunave serbe
për të cilin Qeveria e Serbisë ka thënë se është i "papranueshëm", për çka edhe
arritja e marrëveshjet ndërmjet kryeministrave Daçiq e Thaçi është shtyrë më 2
prill dhe atë më kërkesë të kryeministrit serb i cili pas konsultimeve me
zëvendësin e tij Aleksandar Vuçiq kanë vlerësuar se "mospranimi i këtij
dokumenti do të ishte pretekst që të fajësohet Serbia". Gazeta serbe "Politika"
e sjell si ekskluzive tekstin e këtij dokumenti prej disa pikash, te
cilin e transmeton RTK:
Për komunat me popullatë shumicë serbe në do të themelohet Asociacioni
(bashkësia) e komunave.
Ato do të përfshijnë komunat me shumicë serbe në Kosovë. Asociacioni
(bashkësia) do të jetë i hapur për cilëndo komunë tjetër e cila do të
dëshironte për t'iu bashkuar. Komuna
mund të vendos ta braktis asociacionin (bashkësinë) në cilindo moment.
Struktura e asociacionit (bashkësisë) dhe anëtarësia e trupave të tij do të
formohen sipas modalitetit të njëjtë, sikurse janë ato nga Statuti ekzistues i
asociacionit të komunave të Kosovës. Asociacioni (bashkësia) do të ketë
statutin e vet dhe do të regjistrohet sipas procedurave të njëjta.
Në harmoni me Kartën evropiane mbi vetëqeverisjen lokale dhe ligjet e Kosovës,
Asociacioni (bashkësia) do të ketë autorizime për të ushtruar punët me interes
të përbashkët që bëjnë pjesë në kompetencat e cekura më poshtë të komunave.
Ato autorizime janë sa vijon:
a) zhvillimi ekonomik lokal
b) planifikimi urbanistik e rural
c) përdorimi dhe destinomi i tokës
d) zbatimi i normave mbi ndërtimin dhe standardin e kontrollit të ndërtimit
e) mbrojtja e ambientit të njeriut në nivel lokal
f) sigurimi dhe mirëmbajtja e shërbimeve dhe serviseve publike, përfshirë
furnizimin me ujë, kanalizimin, trajtimin e mbeturinave, rrugët lokale,
trafikun lokal dhe sistemin lokal të ngrohjes
g) përgjigje në situatat e jashtëzakonshme në nivel lokal
h) sigurimin e arsimimit publik parashkollor, fillor dhe të mesëm përfshirë
regjistrimin dhe licencimin e institucioneve arsimore, punësimin, pagimin dhe
stërvitjen e arsimtarëve dhe të drejtuesve
i) avancimin dhe mbrojtjen e të drejtave të njeriut
j) sigurimin dhe zbatimin publik të mbrojtjes shëndetësore
k) sigurimin e shërbimeve familjare e tjera të shërbimit social sikurse janë:
kujdesi për të paaftët, mbikëqyrësit, kujdesi ndaj fëmijëve, kujdesi ndaj të
moshuarve përfshirë regjistrimin dhe dhënien e lejeve për këto qendra të kujdesit,
punësimin, pagimin e rrogave dhe stërvitjen e e punëtorëve në fushën e
mbrojtjes sociale
l) banimin social
m) shëndetin publik
n) dhënien e lejeve për shërbimet dhe institucionet lokale, përfshirë ato që
kanë të bëjnë me argëtimin, aktivitetet kulturore e të lira, ushqimin,
strehimin, tregjet, shitjen në rrugë, trafikun lokal publik dhe shërbimet e
taksisë
o) dhënien e emrave rrugëve, xhadeve dhe vendeve tjera publike
p) rregullimin e parqeve dhe të hapësirës publike
q) turizmin
r) aktivitete kulturore e të lira
s) çfarëdo qoftë që eksplicit është përjashtuar nga kompetencat e tyre ose u
është ndarë ndonjë pushteti tjetër
Kompetencat tjera mund t'i ndahen asociacionit (bashkësisë) nga ana e pushtetit
qendror:
a) të dhënat kadastrale
b) librat e amzës
c) listat zgjedhore
d) regjistri i lejeve të vozitjes dhe të regjistrimit
e) ndarja e ndihmës sociale (duke mos llogaritur pensionet)
f) mbrojtja e pyjeve në territorin komunës
Asociacioni (bashkësia) themelohen në afatin e pacaktuar kohor. Mund të
shpërndahet vetëm me vendimin e trupave të tij kompetentë dhe në harmoni me
procedurat e parashikuara me statut.
Zgjedhjet komunale do të organizohen në katër komunat në veri të Kosovës në
vitin 2013, me ndihmën e OSBE, në përputhje me ligjet e Kosovës.