Sarah Ferguson është kthyer në zanafillë. "Dukesha e skandaleve" - ish gruaja e princit Andrea, nënë e princeshave Eugenie e Beatrice - duke përfunduar në kurthën e orkestruar nga tabloidja News of the World në fakt e ka tepëruar çdo masë. Por ky është vetëm episodi i fundit i një vargu të gjatë "incidentesh" të cilët kanë çuar deri aty sa ajo të deklarohet "persona non grata" (njeri i padëshirueshëm) i familjes mbretërore. Gjë që, në fakt, e mënjanuar nga rangjet e saj.
Gjithnjë adhuruese e jetës së shthurur (i famshëm flirti i saj me kontin Gaddo të Gherardesca-s), Fergie vitet e fundit është përballur me një tronditje të financave të saj personale. Ajo që dukej dikur si një përallë e bukur është përmbyllur me makthe nga më të rëndat. Fillimisht, në fakt, Sarah 'kuqja', siç e thërrisnin tabloidet britanike, ngjasonte të ishte zgjedhja e përkryer- bashkë me Daianën - për t'ia dhënë familjes mbretërore britanike një ngjyrim moderniteti. Vajza e madhe e Ronnie Ferguson, pas diplomës që mori në Queen's Secretarial College gjeti punë në një shoqëri të marrëdhënieve publike në Londër. Pastaj në një galeri artesh dhe më në fund në një shtëpi botuese.
Andrea e Sarah shpallën fejesën më 1986 dhe dalëngadalë shkuan në martesë. Në vitet e para 1990 martesa e tyre ishte në zgrip të falimentimit: dukesha ia lë gjithnjë fajin punës që bënte i shoqi - Andrea ndërkohë ishte në Marinë dhe ia kushtonte së shoqes 40 ditë në vit - burimi i të gjitha të "këqijave" të tij. E vetme, pa askënd që ta "projektojë", Fergie ka mbetur pothuaj menjëherë viktime e vetvetes. Kur marrëdhënia e saj me multimilionierin teksan Steve Wyatt u bë pronë publike, pozicioni i saj u bë i papranueshëm: në vitin 1992 Sarah e Andrea shpallën ndarjen. Pak më vonë skandali Wyatt u eklipsua nga fotot që e tregonin në sjellje komprometuese me këshilltarin financiar Johnny Bryan.
1996 ishte viti i divorcit dhe i prishjes totale me familjen mbretërore - përveçse viti i borxheve. Duket se Sarah ia kishte borxh bankës së Mbretëreshës - The Coutts - plot tre milionë sterlina. Fergie u transferua kështu në SHBA dhe e shfrytëzoi emrin e saj, duke u bërë fytyra e shoqatës Weight Watchers. Kjo filloi të japë rezultat dhe dukesha e Jorkut (York) dukej se e kishte rigjetur veten plotësisht - asaj i përkasin 26 libra të suksesshëm, bashkëprodhimi i filmit të suksesshëm The Young Victoria, dokumentarë dhe filma televizivë. Pastaj kohët e fundit një tjetër tronditje. Dhe huadhënësit filluan të trokasin në portën e saj. Fergie e mbyll kështu aventurën e saj amerikane dhe kthehet në atdhe, ku gjen mbështetjen e ish të shoqit Andrea. Ai ia vë në dispozicion banesën e tij të Windsorit, The Royal Lodge - ku dikur banonte Nëna Mbretëreshë. I hidhur fati i Sarah Fergusonit.
Ndryshe nga Diana, e cila mori një shumë 20 milionë sterlinash kur u divorcua nga Charles, Fergie, duke zgjedhur të mos shkojë në gjyq për të mos e shqetësuar Elizabetën II, u detyrua të kënaqej me një pagesë 15 mijë sterlinash në vit. Një mënyrë, thotë, për të mbetur në raporte të mira me familjen mbretërore, në radhë të parë me Mbretëreshën. Por Windsor-të nuk ia kanë falur kurrë stilin e saj të jetës "ekstravagante" aq sa e kanë përjashtuar nga çdo takim familjar. Dhe tani vjen grushti i pamëshirshëm./Elida Buçpapaj