Voal-online -Pesë muaj pas vdekjes së aktores Brittany Murphy, burri i saj, skenaristi britanik Simon Monjack, është gjetur i vdekur të dielën (dje) në shtëpinë e çiftit në Hollywood, sipas zyrës së hetimeve të rajonit të Los Anxhelosit.
Monjack, 39 vjeç, u konstatua i vdekur pasi Departamenti i Urgjencave i Los Anxhelosit u thirr në banesë për ndihmë urgjente mjekësore, thanë autoritetet. Zëdhënësi i policisë, rreshteri Louie Lozano, tha se vdekja duket të ketë ardhur për arsye natyrale, por hetuesit qëndruan në skenën e ngjarjes.
Burimet thanë për Hollywood Reporter se nëna e aktores Brittany Murphy, Sharon, e gjeti Monjack-un aty nga ora 9:30, pa ndjenja, dhe thirri numrin 911.
Në janar, nëna e Monjack-ut, Linda Monjack, i tha revistës People se djali i saj nuk "është mirë dhe mjekët janë duke i bërë analiza. Nuk dihet nëse ai ka probleme të zemrës, më mirë pyeten atë, por gjithsesi ai ka pasur probleme shëndetësore në të shkuarën. Unë mendoj se dihet, sikurse është publikuar edhe në shtyp, se ai ka pasur një sulm në zemër një javë para vdekjes së të shoqes, kur ai po kthehej nga Puerto Rico."
Murphy, 32 vjeçe, vdiq në dhjetor nga pneumonia, nga mungesa e hekuit dhe nga helmim i shumëfishtë prej ilaçeve. Ajo qe martuar me skenaristin më 2007 dhe nuk kishin fëmijë.
Pas vdekjes së aktores Murphy, një zyrtar i hetimeve i Los Anxhelosit, ndihmësshefi Ed Winter, tha për revistën People: "Kjo vdekje do të kishte qenë e parandalueshme. Murphy kishte në plan të vizitohej tek mjeku, por ajo mjerisht nuk arriti. Ky ishte rast pneumonie e një anemikeje, e cila ishte duke marrë ilaçe në një kohë që duhej të qëndronte e shtruar në spital."
Në një intervistë për revistën People në janar, Monjack tha se e shoqja ishte vizituar tek një mjek. "Unë kujdesesha shumë për time shoqe... Ajo ishte nën rajtim me antibiotikë, merrte ilaçe kundër kollës dhe çdo gjë e vazhdonte në rregull," tha ai.
Lidhur me shqetësimin e miqve të aktores Murphy se Monjack do të merrej nën hetime, Winter said: "Ai nuk është konsideruar kurrë një i dyshuar. Askush nuk është marrë nën faj, sepse kishim të bënim me një aksident."/Elida Buçpapaj
(http://www.people.com/people)