Lëvizja Vetëvendosje ka kërkuar që dënimi i Albin Kurtit të mos jete pengesë ligjore për certifikimin e tij. Ata kanë kërkuar nga KQZ që të mos përdor standarde të dyfishta ligjore duke u mbështetur në një gjykim politik.

Në anën tjetër KQZ-së dhe ekspertë gjyqësorË thonë se ligji përmban dispozita imperativë që nuk lejon alternativa interpretimi.

Vetëvendosje paralajmëron Komisionin Qendror të Zgjedhjeve dhe subjektet politike se nuk do të toleroj mos-certifikimin e Albin Kurtit për shkak të procesit gjyqësor ndaj tij. Glauk Konjufca, njëri na anëtarët e Vetëvendosjes ka thënë se gjykimi ndaj Albinit ka qenë politik dhe ata nuk e njohin atë. Ai ka paralajmëruar se vetëvendosje nuk do të lejoj që ky gjykim të përdorët nga partitë politike në KQZ për ta penguar Kurtin të hyjë në zgjedhje.

"Partitë politike të interesuara shumë mund të pengojnë Vetëvendosjen dhe Albin Kurtin për të marrë pjesë në zgjedhje duke bërë trysni në KQZ për ta penguar me ligj Kurtin që të mos kandidohet. Por ne nuk do t'i lejojmë këto standarde të dyfishta sepse edhe partitë tjera kanë pasur kandidatë me probleme ligjore dhe kanë kandiduar", ka thënë Konjufca.

Albin Kurti është dënuar muaj më parë me 8 muaj burg për pengim në punë të personave zyrtarë gjatë protestave të Vetëvendosjes në shkurt 2007. Sipas nenit 29 të ligjit zgjedhor në fuqi kandidati që është shpallur fajtor për vepër penale, me një vendim përfundimtar të gjykatës në tri vitet e fundit nuk mund të kandidohet.

Zëdhënësi i KQZ-së Fehmi Ajvazi ka thënë se përgjigja nëse do të certifikohet ose jo Albin Kurti do të jepet konform ligjit pasi të hapet afati për aplikim në zgjedhje.

Ndërkaq kryetari i Gjykatës Supreme, Fejzullah Hasani ka thënë se në rastet e dënimeve si ai i Albin Kurtit fjala është për një dispozitë ligjore që është imperativ për t'u respektuar nga KQZ. " Është dispozitë eksplicite që nuk lejon alternativë", ka thënë Hasani.

Pjesa e ligjit ku përcaktohet ndalesa e certifikimit të personave që janë dënuar në tri vitet e fundit është diskutuar edhe në grupin punues për ndryshimin ligjit për zgjedhje.

(http://www.rtklive.com)