Agim Çeku: Malazezët e Kosovës të njihen si komunitet më vete
E Martë, 06.16.2009, 11:00am (GMT+1)
Kryetari i PSD së Agim Ceku ka pasur një takim pune me kryetarin e Partisë Demokratike Malazeze të Kosovës, Sllobodan Vujiçiq, parti e posaformuar. Në këtë takim u bisedua për modalietet dhe rrugët e bashkëpunimit të dy partive në të ardhmen, per çka ekziston vullneti dhe gatishmeria e plotë nga të dyja palët. Kryetari i PSD së përgezoi liderin e komunitetit malazez të Kosovës për nismën dhe e vlerësoi atë si një rrugë shumë të mirë në shërbim të mbrojtjes dhe afirmimit të identitetit të komunitetit malazez në Kosovë. Edhe në këtë takim Çeku rikonfirmoi qëndrimin e partisë së tij se është në interes të Kosovës që komuniteti malalez i Kosovës te njihet dhe pranohet si komunitet në vete. Ky komunitet do t'i shërbente forcimit të marrëdhenive midis Kosovës dhe Malit të Zi dhe do te ishte një ure afrie dhe bashkëpunimi mes dy popujve dhe vendeve tona fqinje.
www.voal-online.ch
|