VOAL - Online Zëri i Shqiptarëve - LDK në proces të reformimit të gjithanshëm

Lidhja Demokratike e Kosovës ka zhvilluar dje një konferencë me moton "Vlera të dëshmuara, vizon i ri" mbi orientimet strategjike në këtë parti. Konferenca kishte për qëllim shpalosjen e vizionit të ri të LDK së dhe identifikimin e shtyllave themelore të programit të ri të saj. Në një komunikatë të lëshuar mbrëmë pas përfundimit të punimeve theksohet se kjo konferencë është organizuar si pjesë e procesit të ripërtëritjes së programit të LDK së dhe të fuqizimit të strukturave të saj organizative. Sekretari i Përgjithshëm i LDK së, Ramë Manaj, në fjalimin hyrës të konferencës theksoi se "kjo konferencë përkon me shënimin e 20 vjetorit të LDK së dhe është një hap i rëndësishëm për t?u përballur me sfidat e ardhshme të Kosovës". Ai theksoi se konferenca e sotme synon që të përcaktojë qartë orientimet tona strategjike për të ardhmen, duke iu referuar në vazhdimësi verave tradicionale të LDK së, të cilat kanë qenë vlera dhe parime udhëheqëse të qytetarit të Kosovës. Duke shpalosur Propozim dokumentin e Orientimeve Strategjike të LDK së, i cili u hartua nga një numër i madh i ekspertëve të fushave të ndryshme, Isa Mustafa theksoi se "projekt dokumenti synon të vërë bazat për zhvillimin e një platforme programore të re të LDK së dhe të dizajnimit të politikave specifike në Kosovën e pavarur". Projekt dokumenti i prezantuar ka identifikuar vlerat mbi të cilat mbështetet veprimtaria e Lidhjes Demokratike të Kosovës, si dhe ka ofruar një vizion për të ardhmen evropiane të vendit. Me këtë dokument të propozuar, LDK ja synon ndërtimin e një Kosove të fuqishme dhe prosperuese për të gjithë, si dhe një identitet të ri ndërkombëtar të saj, që siguron përmbushjen e objektivit të saj madhor: integrimin në strukturat euroatlantike. Konferenca, e cila i zhvilloi punimet në gjashtë grupe punuese, i përcaktoi parimet e përgjithshme të programit të LDK së, bazuar në vizionin e ri të saj. Në këtë proces ishin të përfshirë më shumë se 200 pjesëmarrës dhe ekspertë të shumtë, të cilët ofruan dijen dhe përvojën e tyre në hartimin e shtyllave programore të LDK së. Në këtë komunikatë gjithashtu thuhet se ekspertët pjesëmarrës në këtë konferencë, të përgatitur në universitetet më të mira evropiane dhe amerikane, kanë ngritur dukshëm potencialet dhe kapacitetet e LDK së për të zhvilluar dhe implementuar një program që është në përputhje me këto orientime strategjike të LDK së. Grupet e ekspertëve të LDK së do të vazhdojnë angazhimin e tyre në këtë proces, i cili do të përmbyllet me përgatitjen e platformës programore të LDK së. QIK