PAKISTANI DHE MILIARDAT NË BANKAT E ZVICRËS
E Shtunë, 05.10.2014, 02:25pm (GMT+1)
 Pakistani po përpiqet të rimarrë miliarda dollarë të larguara nga vendi në mënyrë të paligjshme dhe të vendosura në llogari bankare në Zvicër.
Sekretari për Financat i Parlamentit të Pakistanit i tha Zërit të Amerikës, se një marrëveshje e propozuar me Zvicrën do të ndihmojë në identifikimin e pakistanezëve që kanë transferuar ilegalisht paratë e tyre në bankat e vendit evropian.
Ai tha se qeveria zvicerane ka miratuar një ligj që lejon nënshkrimin e marrëveshjeve me vende të tjera, përmes së cilave Zvicra do të japë informacion për paratë e fshehura në vend në mënyrë të paligjshme.
Zvicra thotë se u ktheu 1,83 miliardë dollarë asete të mbyllura në mënyrë të paligjshme vendeve të përfshira në ndryshimet e regjimeve të Pranverës Arabe, por shton se marrëveshja aktuale e taksave me Pakistanin nuk lejon hapa të ngjashme.
Një delegacion pakistanez do të vizitojë Zvicrën në gusht, për të diskutuar një rishikim të marrëveshjes. www.voal-online.ch
|
Comments (0)
Dërgoja shokut
Printo
