Deputeti Shpëtim Idrizi, i cili deri dje ka qenë pjesë e Partisë Socialiste, sot ka shpallur zyrtarisht krijimin e një partie të re, e cila do të quhet “Për Drejtësi për Unitet”, PDU.

“Kemi vendosur krjimin dhe shpalljen e një partie të re, me anë të së cilës do të ngjallim shpresat te të gjithë ata që do të ndjekin rrugën tonë”, tha mes të tjerash ai.

Sipas tij, PDU nuk është një parti si gjithë të tjerat, por ajo ka si pikë kryesore zgjidhjen e çështjes çame.

“Zgjidhja e çështjes çame është mjaft e rëndësishme, pasi është më e madhja e pazgjidhur ende nga autoritetet dhe qeveritë e deritanishme të tranzicionit”, tha mes të tjerash gjatë prezantimit të partisë së re, drejtuesi i saj, deputeti Shpëtim Idrizi.

Kryeministri i Shqipërisë Sali Berisha do të shpallet “Qytetar Nderi i Prizrenit”. Kuvendi Komunal pritet ta konfirmojë propozimin e dhënë nga kreu të komunës së Prizrenit, Ramadan Muja, në mbledhjen e 30 shtatorit....

”Kryeministri i Shqipërisë, Sali Berisha është personalitet i shquar i jetës politike në të gjitha trojet etnike shqiptare dhe si i tillë do t’i bëjë nder qytetit tonë”, thuhet në njoftimin zyrtar të lëshuar nga KK në Prizren

Pas një fushate që u zhvillua e përbashkët për të dy kandidatët, në 12 qarqet e vendit, sipas burimeve nga komisionet zgjedhore nëpër rrethe, Edi Rama rezulton të ketë marrë shumicën e votave të socialistëve. Rezultate të tilla të larta janë raportuar mbrëmë edhe nga rrethet

Lideri i AAK-së, Ramush Haradinaj, kritikoi Qeverinë e Kosovës për, gjendjen e përgjithshme në Kosovë. Këtë deklaratë Haradinaj e bëri gjatë qëndrimit në Gjakovë, për prezantimin e anëtarëve të rinj të AAK-së

Ramush Haradinaj sërish kritikoi sot Qeverinë Thaçi për gjendjen nëpër të cilën po kalon vendi. Sipas tij, qeverisja e keqe nga Thaçi është fajtore për gjendjen e keqe ekonomike, politike dhe atë të sigurisë në Kosovë.

“Qeveria Thaçi është qeveri që po i shkakton humbje të mëdha vendit në të gjitha sferat e jetës”, u shpreh Haradinaj.

Këto komente, i bëri gjatë prezantimit të disa anëtarëve të rinj të AAK-së për Gjakovën, ku ftoi qytetarët që të dalin në zgjedhje dhe të votojnë për të ndryshuar qeverisjen e tanishme.

Socialistët do të zgjedhin të shtunën kreun e ri të partisë. 82 mijë anëtarë të Partisë Socialiste, me parimin një anëtar një votë, do të zgjedhin mes kryetarit aktual Edi Rama dhe kandidatit tjetër, Maqo Lakrori. Por paralel me zgjedhjet brenda saj, PS do të përballet edhe me një tjetër proces zgjedhor, atë të zgjedhjeve të parakohshme në 5 njësi të qeverisjes vendore, drejtuesit e të cilave dhanë dorëheqjen për shkak të kandidimit për deputet më 28 qershor

82 mijë socialistë në 12 qarqe të vendit, do t'iu drejtohen kutive të votimit këtë javë, për të zgjedhur kreun e ri të Partisë Socialiste, pas ndërprerjes së mandatit për kreun aktual Edi Rama. Të shtunën do të votohet për të zgjedhur mes dy kandidatëve zyrtarë, Edi Rama dhe Maqo Lakrori të cilët këtë të mërkurë përfundojnë dhe fushatën e nisur në 1 shtator në të gjithë vendin.

Komisioni Qendror Zgjedhor vendosi që shuma në 13 milionë lekë do iu shpërndahet partive që kanë fituar mandate në Kuvend dhe që janë: PD, PS, LSI, PR, PBDNj dhe PDI. Fondi do ndahet sipas përqindjes së fituar në parlament

Komisioni Qendror i Zgjedhjeve miratoi paraditen e sotme projektvendimin "Për kthimin e sasisë së fondit të përfituar nga partitë, të cilat nuk kanë fituar asnjë mandat në Kuvend dhe rishpërndarjen e tij partive që kanë fituar mandat në Kuvend në zgjedhjet e 28 qershorit".

Në Shqipëri dega lokale e organizatës Transparency International shprehur sot shqetësim lidhur me mungesën e transparencën mbi fondet që partitë politike shqiptare kanë përdorur gjatë fushatës zgjedhore. 

Transparency International Albania, (TIA) shprehet se një ndër problemet e mëdha në Shqipëri mbetet përdorimi i fondeve publike, një shqetësim i ngritur edhe nga raportet ndërkombëtare. Edhe raporti përfundimtar mbi zgjedhjet i ODIHR  kërkon një përmirësim ligjor dhe përforcim të masave për kontrollet mbi financimin e partive.