Për një vështrim më të thellë rreth pasojave të krizës korrespondenti i BBC-së Aleksandër Furxhi, intervistoi profesorin e ekonomisë Adrian Civici, rektor i Universitetit Europian të Tiranës, i cili fillimisht i përgjigjet pyetjes se si u ballafaqua ekonomia e Shqipërisë me krizën botërore të vitit të fundit

Civici: Ekonomia shqiptare futet në grupin e atyre vendeve që u prekën rëndë nga pasojat e krizës, por që nuk ranë në krizë, në rast se si tregues të rënies në krizë marrim treguesin që përdoret rregullisht për të gjithë vendet dhe ekonomitë e zhvilluara, siç është rënia në depresion ekonomik në reçesion për një ose dy tremujore me rritje ekonomike negative ose përgjithësisht një ulje nën zero të ritmit të rritjes ekonomike.

Parë nga ky këndvështrim, Shqipëria futet në grupin e atyre pak vendeve që vazhdojnë të kenë rritje ekonomike pozitive, megjithëse shumë më të ulët se vitet e tjera, por gjithsesi nuk ra në reçesion.

Kryeministri Berisha ka prezantuar dje në emisionin "Opinion" të TV Klan prioritetet e mandatit të dytë të qeverisë së sapokrijuar. Ai theksoi se përzgjedhja e anëtarëve të kabinetit të ri ka qenë një proces i vështirë, pasi vendi kishte në mandatin e shkuar një ekip që anëtarësoi vendin në NATO dhe realizoi me kompetencë të madhe reforma të thella. Kreu i qeverisë nënvizoi se ky kabinet ka një përfaqësim të gjithanshëm dhe koalicioni i ri sjell një risi pozitive politike dhe sociale. Duke u ndalur në kriteret e përzgjedhjes së ministrave të rinj, kreu i qeverisë theksoi se bazë e përzgjedhjes ka qenë merita, por edhe kriteri politik.

Këto janë dy postet që tashmë PDI, partia që përfaqëson çamët në vendin tonë, pretendon të ketë në qeverinë e re “Berisha 2, përveç dy posteve të premtuara prej Berishës për zëvendës-ministra.

Deputetët socialistë Ben Blushi dhe Arben Malaj do të ndërmarrin nesër një takim me përfaqësues dhe simpatizantë të Partisë Socialiste për të lançuar para tyre idetë që kanë mbi reformimin e kësaj force politike.

Sipas të dhënave për agjencinë e Lajmeve NOA, bëhet e ditur se ky takim do të zhvillohet ditën e nesërme në mjediset e Akademisë së Arteve në Tiranë, në orën 18.00, ku pritet të marrin pjesë të gjithë ata që së fundmi janë cilësuar si grupi i kundërshtarëve të kryetarit të Partisë Socialiste.

Gjatë këtij takimi, bëhet e ditur paraprakisht se Blushi dhe Malaj gjatë fjalës së tyre do të diskutojnë dhe do hedhin ide mbi bashkimin e së majtës dhe reformimin e Partisë Socialiste, gjëra këto që i shohin të lidhura me një jetë aktive parlamentare dhe jo bojkot të saj, siç ka hedhur idenë kohët e fundit kryesocialisti Edi Rama

Kështu iu tha deputeti socialist gazetarëve

Tiranë, 9 shtator NOA – Deputeti i Partisë Socialiste, Ben Blushi ka reaguar sërish sot kundër bojkotit të PS-së në Parlament duke e quajtur atë një iniciativë të papjekur politike, madje sipas bojkoti është i mbështetur në interesa personale.

“Jam kundër bojkotit si një iniciativë e papjekur politike e mbështetur në interesa personale dhe kjo nuk i shërben politikës” deklaroi Blushi sot para gazetarëve.

Sipas tij në Partinë Socialiste nevojiten disa reforma si dhe disa ndryshime në status.

Ai theksoi se numri i atyre që mendoje se nuk ka arsye që Partia Socialiste të mos dalë nga parlamenti të shtohet.

Tiranë, 9 shtator, NOA – Zgjedhjet e afërta të 26 shtatorit për kreun e partisë si edhe shpjegimi i arsyeve përse vendosi bojkotin e parlamentit, janë dy arsyet që e bëjnë kryesocialistin Edi Rama të nisë sot turin e tij në bazë.

Sipas burimeve pranë selisë rozë për agjencinë e Lajmeve NOA, turi i paralajmëruar do të nisë nga qyteti i Elbasanit dhe parashikon takime me të gjithë socialistët e bazës, të cilëve do t’u shpalosë platformën e tij elektorale për një mandat të ri në krye të Partisë Socialiste.

Lideri i Partisë Socialiste Edi Rama ka paralajmëruar mbajtjen e protestave popullore.

Ai ka thënë aksioni i ri politik i PS-së nuk synon ndryshimin e rezultatit të zgjedhjeve në tavolinë, por vendosjen e standardeve demokratike të zgjedhjeve, sipas tij, të cenuara rëndë më 28 qershor.

“Nuk kemi asnjë problem me Kuvend dhe hyrjen në Kuvend, në rast se na jepet kjo mundësi që të hetojmë pa qenë të diktuar në hetimin tonë nga shumica, që është në fakt objekt hetimi”, u shpreh Rama.

Partia Socialiste ka bojkotuar Kuvendin e ri, deri, siç ka thënë, në plotësimin e disa kushteve, ku kryesorja mbetet garantimi nga ana e shumicës i hetimit të zgjedhjeve të 28 qershorit.

Zoti Braçe, përfundimisht kryesia e Partisë Socialiste dhe grupi i saj parlamentar kanë vendosur që deputetet e PS-së të bojkotojnë Kuvendin, madje pa afat..
Jo! Qëndrimi ynë nuk nis me bojkotin apo mospjesëmarrjen në Kuvend. Përkundrazi, nis me pjesëmarrjen në Kuvend dhe e kushtëzon atë. Pas rënies së zgjedhjeve, kjo është e vetmja mundësi që ne kemi.

Populli pret një të ardhme më të mirë

Të nderuar deputetë të Kuvendit të Shqipërisë,
Është një nder i veçantë për mua t’ju drejtohem sot me rastin e fillimit të punimeve të Kuvendit të Ri, të dalë nga zgjedhjet e përgjithshme politike.
Më 28 qershor, në këtë ditë të shënuar, qytetarët e vendit tonë dëshmuan përgjegjësi politike, pjekuri, mençuri të admirueshme nëpërmjet pjesëmarrjes së lartë, e sidomos mënyrës civile e demokratike të sjelljes, me shpresën e besimin se përfaqësuesit në Kuvendin e Shqipërisë do të mishërojnë interesat e tyre dhe do të luftojnë më mirë për t’i mbrojtur ato.

Ilir Kadia i BBC bisedoi me zotin Ben Blushi dhe fillimisht e pyeti se pse nuk duhet që socialistët të bojkotojnë Kuvendin?

Blushi: PS nuk duhet t’i kthehet traditës së bojkoteve në Shqipëri, të cilat ajo i ka dënuar në të shkuarën kur PD e kishte kthyer këtë në një cikël kronik. E dyta PS nuk ka arsye të mjaftueshme për të mos shkuar në Kuvendin e Shqipërisë. PS është futur në zgjedhje për të marrë pjesë në parlament, pavarësisht sesi do ishte rezultati i zgjedhjeve.