LIRIKA EROTIKE
Nga QERIM SKËNDERAJ
E Enjte, 04.23.2015, 11:09am (GMT+1)
BLIC
Nga blic i syve të zjarrtë
Një shkrepje të vetme më fal,
Të ndizem i tëri në flakë,
Mëkatit t'i dal ballpërballë!
DY VJOLLCA
Mbi kuporet binjake bulonin aromë
dy gonxhe ngjyrë vjolë.
I djegur nga etja i thitha...U deha
dhe dola në oborr...
MËKAT TOKËSOR
Kur shmang zjarrin e një zemre,
Që me sy të ka bërë mat,
Sfidon buzët e një femre,
Me dashje ke bërë mëkat.
MBETE BIONDE
Pse moj zemër nuk më bindesh?
Vitet, thinjat m'i kanë vjelë.
Ndërsa ti vallëzon e hidhesh,
Mbete bionde si njëherë...
QERIM SKËNDERAJ
|
Comments (0)
Dërgoja shokut
Printo
