VOAL - Online Zëri i Shqiptarëve - PDK BËRI ZULLUME NË QEVERISJE, BËFTË HAJËR NË OPOZITËNga SKËNDER BUÇPAPAJ

"Korrupsioni është tradhti e lartë." Me këtë fjali të shqiptuar nga kryeministri i ri Mateo Renzi hapin me gërma të mëdha faqet e tyre të para pothuaj të gjitha gazetat e përditshme në Itali. "Po të ishte për mua," e ka plotësuar mendimin e tij Renzi, "politikanët e korruptuar do t'i dënoja për tradhti të lartë."

Pikërisht korrupsioni ka qenë shtylla qendrore e qeverisjes së kryesuar nga Partia Demokratike e Kosovës. Sidomos në mandatin e saj të dytë, korrupsioni u shndërrua në sistem të kësaj qeverisjeje dhe në ngulfatës të politikës, të ekonomisë, të jetës së përditshme të Kosovës dhe në njollë të rëndë të imazhit të shtetit më të ri të Evropës. Ambasadori gjerman në Kosovë dy ditë më parë e theksonte pikërisht këtë të vërtetë, duke nënvizuar faktin se Kosova u zhyt në vendin e 111-të në renditjen e indeksit të vendeve më të korruptuara të botës.

Në këtë mandat, qeveria e Kosovës nuk u muar pothuajse me asgjë tjetër përveç korrupsionit, të paktën nuk mbahet mend për diçka tjetër. Korrupsioni u shndërrua edhe në mollë sherri brenda vetë Partisë Demokratike, e cila u paralizua nga lufta ndërklanore.

Luftën ndërklanore PDK e shtriu edhe në koalicionin qeveritar. Në asnjë rast, në asnjë vend të botës nuk kishte ndodhur që partia kryesore në qeverisje t'ia merrte ndonjë eksponent të saj të lartë një partie tjetër përbërëse në qeverisje. Nëse kjo ndodhte, atëherë menjëherë qeveria në fjalë binte, sepse edhe morali mbi të cilin ishte ngritur, i shkruar në marrëveshjen e bashkëqeverisjes, ishte shkelur me këmbë në mënyrën më flagrante.

I vetmi akt i përgjegjshëm nga ana e PDK, në kuadrin e zullumeve dhe papërgjegjësive të panumërta ishte vendimi për të dalë në zgjedhje të parakohshme.

Dalja në zgjedhje të parakohshme është pranim de fakto i dështimit të një qeverie. Në mandatin e saj të dytë, qeveria Thaçi në të vërtetë ishte një qeveri tejet koniunkturore. Një qeveri koniunkturore është ajo që mund të rrëzohet në çdo moment në rast të një aksionit të fortë e të vendosur të opozitës. Këto vite qeveria Thaçi mbeti në pushtet vetëm falë durimit të skajshëm dhe pjekurisë së popullit të Kosovës, vetëm falë tolerancës dhe qytetarisë së skajshme të opozitës së Kosovës, vetëm falë konstruktivitetit të admirueshëm të partisë kryesore të opozitës, Lidhjes Demokratike të Kosovës. Do të mjaftonte që njëri nga këto tri dimensione të mungonte dhe qeveria Thaçi do të binte në çdo çast.

Qeveria Thaçi, e thotë vetë logjika, është qeveri e rrëzuar. Dhe qeveritë e rrëzuara nuk mund të mëtojnë të votohen që të qeverisin përsëri. Aq më tepër që, për faj të saj, qeveria Thaçi është qeveri e një parlamenti të rrëzuar. Vitet e fundit kanë qenë të shumta rastet kur kjo qeveri nuk ka arritur të sigurojë kuorumin për të miratuar projektligjet e paraqitura prej saj. Shpesh, për t'i miratuar ligjet i është dashur të përdorë makinacione, të cilat për demokraci serioze do të kishin qenë të turpshme.

"Fajin për korrupsionin nuk e kanë ligjet," ka vijuar në fjalën e tij të mbajtur mbrëmë në Bruksel Mateo Renzi. "Fajin për korrupsionin e kanë hajdutët. Ata nuk i respektojnë ligjet." Kryeministri italian ka këmbëngulur se për të korruptuarit nuk mund të ketë rehabilitim, nuk mund të ketë më vend në administratën publike.

Ky është edhe vendimi logjik që pritet të marrë elektorati i Kosovës me votën e tij të 8 qershorit. PDK meriton të ndëshkohet me votën e elektoratit të Kosovës dyfish, sepse ajo, së pari, shkeli besimin që ia dha vota e tij, ajo, së dyti, harroi idealet në emër të të cilave e ka kërkuar këtë votë dhe në emër të të cilave e ka marrë pushtetin dhe ka qëndruar në pushtet.

PDK, në krye të shtatë viteve të qeverisjes së kryesuar prej saj, vjen në trajtën e një qenieje të rrumbullakosur prej dhjamit, ku nuk ka mbetur më asnjë shenjë shqisore, në trajtën e një qenieje së cilës dhjami ia ka pushtuar çdo ind, çdo nerv, çdo damar dhe nuk ia lejon të ushqejë më me oksigjen trurin. PDK erdhi në pushtet për t'i shërbyer Kosovës, por gjatë gjithë qeverisjes, bëri gjithçka që ta shndërronte Kosovën në shërbyese të saj. PDK u majmërua shtatë vite rresht në tejskaj, ndërsa dhe Kosova u varfërua, u raskapit, u telendis dhe mjerua në tejskaj.

Sonte në orën 24:00, e premte, 6 qershor 2014, mbyllet fushata zgjedhore për zgjedhjet parlamentare të Kosovës. Nga kjo orë fillon dhe opozita për PDK-në. Në rolin e saj të ri PDK-së i takon të jetë krejt ndryshe nga sa ka qenë ajo para se të vinte në pushtet, pra i takon të bëjë një opozitë ndryshe nga ajo që ka bërë deri në vitin 2007. I takon të mos imitojë as opozitën që është bërë në Shqipërinë e tranzicionit. Për këtë, i takon t'iu japë fund zullumeve, të lejojë votën e lirë të Kosovës, sado ndëshkuese të jetë ajo, të njohë votën e lirë të Kosovës, të bëjë kalim sa më të butë të pushtetit tek qeveria e dalë prej votës së 8 qershorit.

Mjerisht, PDK nuk bëri hajër në qeverisje. Gjithsesi, urojmë të bëjë hajër në opozitë.
--

©

QEVERIA E RE KRIJON TË PAKËNAQUR, POR ATA NUK JANË ME PD-në
Nga SKËNDER BUÇPAPAJ
E Hënë, 05.26.2014, 08:57am

REVOLUCIONI ME VOTË - KOHA E KOSOVËS
Nga SKËNDER BUÇPAPAJ

E Hënë, 05.19.2014, 06:46pm

NJË OPOZITË E SHPARTALLUAR KUNDËR NJË QEVERIE ENDE TË PAKONTURUAR
Nga SKËNDER BUÇPAPAJ

E Premte, 05.16.2014, 10:08am
FTESA NDAJ QYTETARËVE TË KOSOVËS DHE LUGINËS SË PRESHEVËS - NJË LËVIZJE TJETËR MË SE BOSHE E TIRANËS
Nga SKËNDER BUÇPAPAJ

E Enjte, 05.08.2014, 02:59pm
Temë për debat
DEFETARIZIMI I POLITIKËS DHE DEPOLITIZIMI I FESË
Nga SKËNDER BUÇPAPAJ

E Mërkurë, 04.09.2014, 07:56am
SFIDË NDAJ SKEMAVE
Libri 'Traumat e tranzicioni' i Elida Buçpapajt
Nga SKËNDER BUÇPAPAJ

E Hënë, 04.07.2014, 09:32pm
Ftesa këtuT'I DREJTSHKRUAJMË SHQIP EMËRVENDET ZVICERANENga SKËNDER BUÇPAPAJ (03.17.2014)
PS TË MOS IMITOJË PD-në, PD TË MOS IMITOJË PS-në
Nga SKËNDER BUÇPAPAJ
E Mërkurë, 03.05.2014, 11:47am
Këndi këtu
SI TË UROJMË
Nga SKËNDER BUÇPAPAJ
E Hënë, 02.17.2014, 06:50pm

SHPEND MOS U ÇMEND
Nga SKËNDER BUÇPAPAJ
E Mërkurë, 02.12.2014, 10:28am

FQINJËT JANË NË EKSPANSION, NE JEMI NË RESTRIKSION
Nga SKËNDER BUÇPAPAJ
E Mërkurë, 01.29.2014, 11:37am
POPULLI SHQIPTAR I KOSOVËS PO - E MERITON ÇMIMIN NOBEL PËR PAQE
Nga SKËNDER BUÇPAPAJ
E Enjte, 01.02.2014, 11:19am

NË EVROPË, SI ALEATË TË AMERIKËS
Nga SKËNDER BUÇPAPAJ
E Djelë, 12.29.2013, 12:04pm
Ribotim me rastin e ditëlindjes së Presidentit Rugova
IBRAHIM RUGOVA - NJË EPOKË E PANDËRPRERË
Nga SKËNDER BUÇPAPAJ

E Hënë, 12.02.2013, 08:58am

TË MOS SHNDËRROHEMI NË HORDHI
Nga SKËNDER BUÇPAPAJ

OKSIGJEN OPOZITËS
Nga SKËNDER BUÇPAPAJ

E Djelë, 11.17.2013, 10:10am

BEDRI MYFTARI - JETOI PËR NJË ËNDËRR, IKU PA TË
Nga SKËNDER BUÇPAPAJ
E Djelë, 11.10.2013, 10:12am
E MAJTA SHQIPTARE KONSOLIDON LULIN
Nga SKËNDER BUÇPAPAJ
E Mërkurë, 10.30.2013, 10:22am

COMMONWEALTHI SERB ËSHTË SA ANTISHQIPTAR DHE ANTIEVROPIAN
Nga SKËNDER BUÇPAPAJ
AZEM HAJDARI DHE IBRAHIM RUGOVA - FIGURA BASHKUESE DHE EMANCIPUESE TË POLITIKËS E TË KOMBIT
Nga SKËNDER BUÇPAPAJ

E Djelë, 09.15.2013, 09:50am

Ribotim
PD DHE PS MËTOJNË SE 23 QERSHORI 2013 KA TË NJËJTËN RËNDËSI ME 22 MARSIN 1992
Nga SKËNDER BUÇPAPAJ

E Shtunë, 08.24.2013, 08:56am

TIRANA DHE PRISHTINA NË GARË PËR DESHQIPËZIMIN E SHQIPES
Nga SKËNDER BUÇPAPAJ
E Mërkurë, 08.21.2013, 10:44am

'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË'
Nga SKËNDER BUÇPAPAJ

E Martë, 08.13.2013, 07:50am
SQARIM PËR OPINIONIN PUBLIK: NUK KAM QËNË KURRË ANËTAR I PPSH
Nga SKËNDER BUÇPAPAJ

E Hënë, 07.15.2013, 05:51pm

SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
Nga SKËNDER BUÇPAPAJ

E Djelë, 07.07.2013, 11:35am
VOTA PARANDALUESE
Nga SKËNDER BUÇPAPAJ
E Premte, 06.28.2013, 09:42am

A ËSHTË 23 QERSHORI ZGJIDHJA?
Nga SKËNDER BUÇPAPAJ

E Djelë, 06.16.2013, 07:12am

HAPËSIRA SHQIPTARE MË VERILINDORE - PENG I TERMAVE
Nga SKËNDER BUÇPAPAJ

E Martë, 06.04.2013, 07:03am
MONOLOG PAS ZYRTARIZIMIT TË LISTAVE - QAJ FACEBOOK ME LOTË PËRPJETË
Nga SKËNDER BUÇPAPAJ

E Premte, 05.10.2013, 10:23am